I Fye Tulen gablà ku Dyisas Krayst i Sulat Luk 7:44 - Blaan Sarangani

⁴⁴ Na meye Dyisas di libun gine, na manan ku Simon, “Teenam kè i libun ani? Tafusuk agu di gumneam, bay laam agu banlé yéél du alob i blìgu. Kabay libun ani, tanaloban blìgu i lwakan, na ifun dun i wakan.

I Fye Tulen gablà ku Dyisas Krayst i Sulat Luk 7:44 Iomraidhean Croise

Dyénésis 18:4

Fafwè agu yéél, du alob i blìyu. Na beg gamu fakay ftud di dungan i kayu ani.

Dyénésis 19:2

“Lew, begyu slob di gumnègu. Smulu agu du falobyu i blìyu, na ditù i gukudangyu, na fakayyu fadlug di kaguyu fayah flafus.” Kabay tmimel ale, manla, “Too fye di ge, bay balù tadini di lwà i gal guftud dad to magu, ani i gukudangmi.”

Dyénésis 43:24

Na fagin ale i salig Dyosif di lam i gumnè, na banlén ale yéél du alob i blìla, na fafkaanan i dad dongkila.

I Fye Tulen gablà ku Dyisas Krayst i Sulat Luk 7:38

Di kyakan di gumnè, fdadong kenen di ku Dyisas, na tadag di saféd blian, na too kenen mngel. Na tambù kenen mafê blì Dyisas i lwakan, na én ifun dun i wakan, na nalakan i blian, na nkokan fangbun.

I Fye Tulen gablà ku Dyisas Krayst i Sulat Luk 7:43

Na tmimel Simon manan, “Fanyogu i to too mbong nawa kenen i to bong uteng tagnibun.” Na man Dyisas, “Glut i manam.”

Dyan 13:5

Kafnge én, nkokan yéél i flanggana na tambù malob i blì dad mlalò kenen, na én ifun dun i twalya labédan di awekan.

1 Timoti 5:10

na ku tooyu dilè i fye nimoan di fye keben i dad ngaan, kdawatan i dad to tlang, kaloban i dad blì i dad to faglut, ktabengan i dad to mnè di kalima, na di kalgadan mimò dee dad fye nimò.

Dyém 2:6

Kabay gamu, balingyu too fdanà i dad to landè. Ise kè dad to i bong knun i too mkut gamu? Glut sa! Na ale fa i dmalam gamu di muna i dad to mukum.