I Fye Tulen gablà ku Dyisas Krayst i Sulat Luk 7:37 - Blaan Sarangani

³⁷ Na di lunsud ani nun satu libun too gamsalà. Di kaklingen kmaan Dyisas di gumnè Farisi ani, salu kenen ditù mebe i sabuy batu fnò i mabtas fangbun.

I Fye Tulen gablà ku Dyisas Krayst i Sulat Luk 7:37 Iomraidhean Croise

Matyu 21:31

Na di lwe dad ngà ani, simto i mimen knayè i màla?” Na tmimel ale, manla, “I twege.” Na man Dyisas, “Hae, na tulengu gamu i kaglutan, i dad to sasè, gambet i dad to mwè bayad buhis na i dad libun mkat lagi, muna fa di gamu fusuk di kagot Dwata.

I Fye Tulen gablà ku Dyisas Krayst i Sulat Luk 18:13

“Kabay i to gal mwè bayad buhis, tadag kenen di gumawagan, na balù lngalà di langit, là, bay ntungan kfen mdà di bong kliduan, na dmasal di Dwata, manan, ‘E Dwata, begam agu kando, du agu satu to too gamsalà!’

I Fye Tulen gablà ku Dyisas Krayst i Sulat Luk 19:7

Kabay i dad to mite i nimò Dyisas, too ale sungag, manla, “Tay, tlang kenen di gumnè i to too gamsalà!”

I Fye Tulen gablà ku Dyisas Krayst i Sulat Luk 5:30

Na nun dad Farisi na dademe di dale gal tamdò i dad flalò blé Dwata fagu di ku Mosis salu di dad mlalò ku Dyisas du mugak, manla, “Kan ku kmaan gamu na minum di saféd i dad gal mwè bayad buhis na i dademe to gamsalà?”

I Fye Tulen gablà ku Dyisas Krayst i Sulat Luk 5:32

Na én duengu salu dini, ise ku i dad to tlu fanngabalgu, bay i dad to gamsalà du fye msal ale.”

I Fye Tulen gablà ku Dyisas Krayst i Sulat Luk 7:34

Na agu, i dnagit Tingà To, salu agu dini na kmaan na minum, na én manyu kun, ‘Neyeyu i to ani, tyan kenen na gal flangal. Na i dademen sgalak dunan i dad to sasè gal mwè bayad buhis na dad to gal mlafà i dad flalò Dwata!’

I Fye Tulen gablà ku Dyisas Krayst i Sulat Luk 7:36

Nun satu Farisi mlak ku Dyisas kmaan di safédan. Taman fusuk Dyisas di gumnean, na magin dad to kmaan di lamisan.

Dyan 11:2

Méri ani, dunan i mkok i fangbun di blì Dyisas, na nifun i wakan. I fandas ani dunan flanekan lagi Lasarus.

Dyan 9:24

Na taman tlola lêman i to butè, na manla di kenen, “Tmulen ge i kaglutan di muna Dwata. Hae, du gadèmi Dyisas ani alò satu to gamsalà.”

Dyan 9:31

Gadeito là tnabeng Dwata i dad to gamsalà, bay tnabengan i dad to mafè kenen na mimen i knayean.

Roma 5:8

Kabay Dwata mahal, du fiten i kalbong nawan gito, du di bang ito fa mimò sasè blén Krayst di fati tlas gito.

1 Timoti 1:15

Ani i glut tdò, i too gablà fnaglut i kdee dad to, dunan salu Krayst Dyisas dini di tah tanà, du falwaan i dad to gamsalà di kaflayam landè gusenan, na agu sa i too sasè di kdee to gamsalà.

1 Timoti 1:9

Lêta gadè là mgimò i dad flalò du mdà di dad to fye, bay di dad to mlafà i flalò Dwata na i urdin i dad to, dad là mayè mimen Dwata, dad là fulung likò di Dwata, dad mimò kdee sasè knayèla, dad là mayè faglut di Dwata, dad smilo i fnaglut di Dwata, dad manò i dad tuala na i demela to,

1 Fiter 4:18

du gmanan di Tnalù Dwata, manan, “Ku malima galwà i dad to fye, lumban fa kalima kagalwà i to sasè na i to gamsalà.”