I Fye Tulen gablà ku Dyisas Krayst i Sulat Luk 7:34 - Blaan Sarangani

³⁴ Na agu, i dnagit Tingà To, salu agu dini na kmaan na minum, na én manyu kun, ‘Neyeyu i to ani, tyan kenen na gal flangal. Na i dademen sgalak dunan i dad to sasè gal mwè bayad buhis na dad to gal mlafà i dad flalò Dwata!’

I Fye Tulen gablà ku Dyisas Krayst i Sulat Luk 7:34 Iomraidhean Croise

Matyu 11:19

Na agu, i dnagit Tingà To, salu agu dini na kmaan na minum, na én manla, kun, ‘Neyeyu i to ani, tyan kenen na gal flangal. Na i dademen sgalak, dunan i dad sasè to gal mwè bayad buhis na i dad to gal mlafà i flalò Dwata.’ Én manla, bay i gumiteyu na i nimò satu to mdà di kfulung Dwata, di ulê i nimoan.”

Matyu 5:46

Nangyu fandam ku nun untung blé Dwata gamu ku én alòyu kando i dad to kamdo gamu. Landè gusahal i nimòyu di nimò dad to sasè gambet dad to gal mwè bayad buhis, du galla kando i dad to kamdo dale.

Matyu 9:11

Na nun dad to mdà di fnaglut Farisi mite kenen na snalekla dad to gal mlalò ku Dyisas, manla, “Kan ku kmaan Dyisas di saféd i dad to gal mwè bayad buhis na dademe to gamsalà?”

I Fye Tulen gablà ku Dyisas Krayst i Sulat Luk 11:37

Kafnge Dyisas talù, nun satu Farisi mlak kenen kmaan di safédan. Taman fusuk kenen di gumnè i to én, na sudeng du fan kmaan.

I Fye Tulen gablà ku Dyisas Krayst i Sulat Luk 14:1

Di satu Duh Kaftud, salu Dyisas di gumnè satu Farisi nun glal, du nlak kenen kmaan ditù. Na too kenen tnanul i dad to.

I Fye Tulen gablà ku Dyisas Krayst i Sulat Luk 15:2

Kabay i dad Farisi na i dad to gal tamdò i dad flalò Dwata, too ale mugak, manla, “I to ani, dnawatan i dad to gamsalà na kmaan kenen di safédla!”

I Fye Tulen gablà ku Dyisas Krayst i Sulat Luk 19:7

Kabay i dad to mite i nimò Dyisas, too ale sungag, manla, “Tay, tlang kenen di gumnè i to too gamsalà!”

I Fye Tulen gablà ku Dyisas Krayst i Sulat Luk 5:29

Na mimò Libay bong knaan di gumnean du fkaanan dale Dyisas, na én kmaan di safédla dee dad to gal mwè bayad buhis na dademe dad to.

I Fye Tulen gablà ku Dyisas Krayst i Sulat Luk 7:33

Salngad én i ksalu Dyan Gal Munyag dini, gal kenen fwasa na là minum binu, bay là gamu mayè, na balingyu man kun, ‘Tabnusaw kenen.’

I Fye Tulen gablà ku Dyisas Krayst i Sulat Luk 7:35

Én i manyu, bay i gumiteyu na i nimò satu to mdà di kfulung Dwata, di gukelan.”

I Fye Tulen gablà ku Dyisas Krayst i Sulat Luk 7:36

Nun satu Farisi mlak ku Dyisas kmaan di safédan. Taman fusuk Dyisas di gumnean, na magin dad to kmaan di lamisan.

Dyan 12:2

Na déén gukmaan Dyisas di flabi én du nimòla kakaan afèla kenen. Marta i malel, na Lasarus satu di dad kmaan di saféd Dyisas.

Dyan 2:2

Na Dyisas na dad mlalò kenen lê nlak di kasdeme.