I Fye Tulen gablà ku Dyisas Krayst i Sulat Luk 7:16 - Blaan Sarangani

¹⁶ Di kite kdee dad to dun ani, too ale likò, na dnayenla Dwata, manla, “Tanun kel di blengito satu tugad Dwata too mdatah. Tatmabeng nan Dwata i dad ton.”

I Fye Tulen gablà ku Dyisas Krayst i Sulat Luk 7:16 Iomraidhean Croise

Salmo 65:9

Fitem i kafdufam i tanà fagu di kfebem i ulen, na di kfabuam i tanà; na fananoam yéél i dad sbang na blém i ulê dad fule fagu di gamtikeng nimoam.

Éksodus 4:31

na fnaglutla dek ale Dwata di dale. Na kaklinge i dad tua too kamdo Dwata i Amu dad bel Israél, na tateenan i bong kaflayamla di falel i dad to Idyif, lkuad ale, du mangamfù ale kenen.

Matyu 15:31

Taman too tikeng i dee dad to di kitela i nimò Dyisas, du gtalù i dad to umu, sikof lêman i dad to fatok, gagu i dad to kimay, na mite i dad to butè. Na dnayenla i Dwata fnangamfù dad bel Israél.

Matyu 21:11

Na tmimel i dad to magin ku Dyisas, manla, “Dyisas ani, satu tugad Dwata mdà di banwe Nasarét di Galili.”

Matyu 28:8

Taman gasil mdà i dad libun mdà di lbang na likò ale, bay too ale lehew. Na sadlu ale du fye tnulenla i dad gal mlalò ku Dyisas.

Matyu 9:8

Di kite i kdee dad to i nimò Dyisas, likò ale na dnayenla Dwata, du tablén i bong gnagan ani di satu to.

I Fye Tulen gablà ku Dyisas Krayst i Sulat Luk 1:65

Di kaklinge i kdee dad demela saldan ani too ale likò. Na mbel i santulen ani kel di kdee dad bulul di banwe Dyudiya.

I Fye Tulen gablà ku Dyisas Krayst i Sulat Luk 1:68

“Dnayenito Amuito Dwata fnangamfù i dad bel Israél, du tasalu kenen di gito dad ton, na banlén ito kagalwà.

I Fye Tulen gablà ku Dyisas Krayst i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di gugkahan, du mti malbà, du làyu dilè ku ani i duh kakel Dwata di gamu du falwà gamu!”

I Fye Tulen gablà ku Dyisas Krayst i Sulat Luk 2:20

Na samfulê i dad gal mifat bilibili, na too ale dmayen Dwata mdà di kdee lingela na tateenla, du gdohò i kdee gman dad kasaligan di dale.

I Fye Tulen gablà ku Dyisas Krayst i Sulat Luk 24:19

Na manan di dale, “Tan i mkel kè?” Na tmimel ale, manla, “I mkel di ku Dyisas mdà di Nasarét. Kenen satu tugad Dwata, too mtulus di kdee nimoan na manan, balù di fandam Dwata na lêman i dad to.

I Fye Tulen gablà ku Dyisas Krayst i Sulat Luk 5:26

Na too tikeng i kdee dad to di kitela dun ani magin i klikòla, na dmayen ale Dwata, manla, “Too gamtikeng i teenito di duh ani!”

I Fye Tulen gablà ku Dyisas Krayst i Sulat Luk 5:8

Kite Simon Fiter i bong tnikeng ani, lkuad kenen di muna Dyisas, na manan, “E Amu, beg ge fawag di deg du agu satu to too gamsalà!”

I Fye Tulen gablà ku Dyisas Krayst i Sulat Luk 7:15

Na tatì sudeng i lagi mati gine, na tambù talù. Na fasfulê Dyisas kenen di yéan.

I Fye Tulen gablà ku Dyisas Krayst i Sulat Luk 7:39

Kanto teen i Farisi mlak ku Dyisas i nimò libun ani, man i nawan, “Ku i to ani too glut tugad Dwata, dilean i ldam i libun magot kenen, dilean kenen to too gamsalà.”

I Fye Tulen gablà ku Dyisas Krayst i Sulat Luk 8:37

Na fni i kdee dad to mnè di banwe dad Gérasin di ku Dyisas, fye ku tnagakan i banwela, du too ale likò. Taman myak Dyisas di aweng du samfulê di faltù.

I Fye Tulen gablà ku Dyisas Krayst i Sulat Luk 9:19

Tmimel ale, manla, “Man dademe, ge kun Dyan Gal Munyag. Man dademe, Ilaydya, ku demen satu di dademe tugad Dwata mték mdà di fati.”

Dyan 1:21

Na snalekla kenen, manla, “Kabay, simto ge? Ge kè Ilaydya?” Manan, “Ise.” Na snalekla, manla, “Ge kè i Tugad Dwata fatanmi?” Tmimel kenen, manan, “Ise.”

Dyan 1:25

Na snalekla kenen, “Ku ise ge i Mgalék Dwata ku demen Ilaydya, ku demen i Tugad Dwata fatanmi, na kan ku gal ge munyag?”

Dyan 4:19

Na man i libun, “Nilègu nan ge satu tugad Dwata, taman tan i manam gablà ani?

Dyan 6:14

Di kite i dad to i tnikeng nimò Dyisas ani, manla, “Ani sa tugad Dwata sanfatanito dekan di tah tanà.”

Dyan 9:17

Taman lêmanla snalek i to butè manla, “Tan manam gablà di to én, du manam tafanguléan i matam?” Na tmimel i to butè, manan, “Kenen sa satu tugad Dwata.”

Dad Nimò 5:5

Na di kaklinge Ananayas i man Fiter ani, tatì fugen na fles mati. Na i kdee dad to mlinge i mkel di kenen too ale likò.

Dad Nimò 7:37

“Na Mosis ani, kenen i talù di dad bel Israél, manan, ‘Di satu duh kadang nun tugad Dwata dekan di gamu, salngad i kdekan deg, na i gumdaan dunan di dad dademeyu.’

Galasya 1:24

Taman dmayen ale Dwata du fnalamin i nawagu.