I Fye Tulen gablà ku Dyisas Krayst i Sulat Luk 7:12 - Blaan Sarangani

¹² Kagdadongla di bà gufusuk di labat i lunsud, nun gsitongla dademe dad to mebe i to mati lamwà. I to mati, dunan lagi, na i sen tingà i satu libun balu. Na nun magin i balu dee dad to mdà di lunsud.

I Fye Tulen gablà ku Dyisas Krayst i Sulat Luk 7:12 Iomraidhean Croise

Dyénésis 22:12

Man i kasaligan, “Nangam fanles fnati i tingaam. Ani nan, gadègu too sikof i kimenam Dwata, du balù fa Isaak i sen tingaam di ku Sara, fanam blé di deg.”

Dyénésis 22:2

Na man Dwata, “Gadègu toom kando Isaak, du kenen alò i tingaam di ku Sara. Kabay faginam, na salu gamu ditù di banwe dnagit Moraya. Ditù di banwe atù fitegu ge i satu bulul, na ditù gumatim kenen, na sduléam snakuf du dsuam di deg.”

I Fye Tulen gablà ku Dyisas Krayst i Sulat Luk 7:11

Kafnge én, di là mlo, salu Dyisas di satu lunsud dnagit Nain, na magin i dad to gal mlalò kenen na dee dademe dad to.

I Fye Tulen gablà ku Dyisas Krayst i Sulat Luk 7:13

Di kite Dyisas i libun balu ani, toon kando, na manan di kenen, “Nang ge nan mngel.”

I Fye Tulen gablà ku Dyisas Krayst i Sulat Luk 8:42

du i sen tingaan libun mdadong sfalò lwe falin, tafan mati. Na di sleng Dyisas salu ditù, too sgat i dee dad to di glibutan.

I Fye Tulen gablà ku Dyisas Krayst i Sulat Luk 8:52

Na i kdee dad to déén, too ale mngel, na nlanula i tingà. Kabay man Dyisas, “Nang gamu mngel. Laan mati, bay alò kudang.”

Dyan 11:19

taman dee dad Dyu salu di ku Marta na Méri du mlala dale mdà di kfati lagila.

Dad Nimò 9:39

Na di kaklinge Fiter i manla, tagasil kenen mdà magin di dale. Na di kakelan ditù fyakla kenen di sibay di tah. Na mngel i kdee dad libun balu tadag di safédan, na fitela kenen i dad klawehla tanbél Dorkas di laan fa mati.

Dad Nimò 9:41

Na nagot Fiter i kmalan na tnabengan kenen tadag. Kafnge én, tlon i dad faglut na balù dad libun balu gine, du fiten dale tamto Dorkas.

Dyém 1:27

Di kite Maito Dwata i tlu kafaglut landè gukulangan, dunan i kifatito i dad ilu na dad balu di kalimala, na neyeito i ktoito, du fye là kamfit di gito i ksasè di tah tanà ani.