I Fye Tulen gablà ku Dyisas Krayst i Sulat Luk 6:12 - Blaan Sarangani

¹² Na di bang én, mnagad Dyisas di bulul du dmasal, na tayud i butang dmasal kenen di Dwata.

I Fye Tulen gablà ku Dyisas Krayst i Sulat Luk 6:12 Iomraidhean Croise

Salmo 22:2

E Dwatagu, di mduh fakdo agu di ge fye tnabengam agu, bay laam agu tnabeng, di butang fakdo agu na landè kaftudgu.

Matyu 5:1

Na satu duh, di kite Dyisas i kdee dad to, mnagad kenen di bulul, na ditù gusudengan. Na stifun di safédan i dad to gal mlalò kenen.

Matyu 6:6

Kabay gamu, ku dmasal gamu fusuk gamu di sibayyu na tnakabyu, na dmasal gamu di Màyu i là teen. Na i Màyu mite kdee nimòyu di gugbunin, kenen sa i mlé gamu untung.

Mark 1:35

Na di too flafus di tmadol duh kifu fa, mték Dyisas na mdà salu di satu banwe gulandè to aloan satu du dmasal.

Mark 3:13

Kafnge én, salu Dyisas ditù di satu bulul, na fatlon déén dad to kayean fasnagin kenen. Na salu ale di kenen.

Mark 6:46

Kafngen fdà dad to, mnagad kenen di satu bulul du dmasal di Dwata.

I Fye Tulen gablà ku Dyisas Krayst i Sulat Luk 5:16

Kabay gal salu Dyisas di banwe gulandè to du dmasal.

I Fye Tulen gablà ku Dyisas Krayst i Sulat Luk 6:11

Kabay too flabè i dad Farisi na dad tamdò i flalò Dwata. Na stulen ale ku tan kibòla ku Dyisas.

I Fye Tulen gablà ku Dyisas Krayst i Sulat Luk 6:17

Na masol ale Dyisas mdà di bulul, na tadag kenen di gudmatalan. Na nun dee gal mlalò kenen na dademe dad to stifun déén mdà di klamang banwe Dyudiya, i syudad Dyérusalém, na dad malnak banwe di kilil i mahin mdadong di dad syudad Tiro na Sidon.

I Fye Tulen gablà ku Dyisas Krayst i Sulat Luk 9:18

Di satu duh, dmasal Dyisas aloan satu. Na i dad mlalò kenen mdadong ale déén. Kafngen dmasal snalekan ale, manan, “Tan man i dad to? Simto agu kun?”

I Fye Tulen gablà ku Dyisas Krayst i Sulat Luk 9:28

Nun kè walu butang i kafnge Dyisas mangman i kdee ani, faginan Fiter, Dyan, na Dyém mnagad di satu bulul du dmasal.

I Fye Tulen gablà ku Dyisas Krayst i Sulat Luk 9:29

Na slengan dmasal, mgili i bawehan, na samfilà i klawehan di kbukay.

Dyan 6:3

Kabay mnagad ale Dyisas di satu bulul, na sudeng ditù magin i dad gal mlalò kenen.

Kolosas 4:2

Fadlug gamu dmasal di Dwata mdà di nawayu na mdà di fye fandamyu. Na mlé gamu fye di Dwata mdà di kafyen gamu.

Hibru 5:7

Di knè fa Dyisas dini di tah tanà, too dmasal di Dwata, na too mlanu, na tamdak i lwakan di laman dmasal, du alò Dwata gmagan falwà kenen mdà di fatin. Na du toon fdanà i kton di knayè Dwata, linge Dwata i dasalan.