I Fye Tulen gablà ku Dyisas Krayst i Sulat Luk 3:1 - Blaan Sarangani

¹ Di gasfalò lime fali di kagot Tibiryus Sisar di banwe Roma, én gubirnador di banwe Dyudiya dunan Fontyus Filat, na i ganlal mebe di Galili dunan Harì Hérod. Na i twalin Filif i ganlal mebe di dad banwe Ituriya na Trakonitis. Na i ganlal mebe di banwe Abilin dunan Lisanyas.

I Fye Tulen gablà ku Dyisas Krayst i Sulat Luk 3:1 Iomraidhean Croise

Matyu 14:1

Di bang én nun linge Harì Hérod, i mdatah ganlal di banwe Galili, gablà di kdee tnikeng nimò Dyisas.

Matyu 14:3

Ani manan, du tafakfean Dyan, na fbakusan na fbilangguan du mdà di ku Hérodiyas, yaan i flanekan Filif.

Matyu 14:6

Kabay kel i duh kafaldam i ksut Hérod, sayew i tingà Hérodiyas libun di muna i kdee dad to malò i fista, na too mayè nawa Hérod meye dun.

Matyu 22:17

Taman tulenam gami ku tan i fandamam. Fakay dé di flalò blé Dwata fagu di ku Mosis ku mlé gami i bayad buhis di ku Sisar, i gumdatah di banwe Roma ku demen là?”

Matyu 27:2

Na én nimòla, fbakusla kenen na nebela di ku Filat, i gubirnador, du fukumla kenen.

Mark 6:17

Ani manan, du tafakfean Dyan, na fbakusan, na fbilangguan, du mdà di ku Hérodiyas, yaan flanekan Filif, du balù yaan flanekan nwean.

Mark 6:21

Kabay teen Hérodiyas i kiboan fafati ku Dyan di duh kafaldam i ksut Harì Hérod, du mimò harì i bong fista. Na nlakan dademen dad ganlal di gubirnu, na dad ulu i dad sundalu na dademe mdatah dad to di banwe Galili.

I Fye Tulen gablà ku Dyisas Krayst i Sulat Luk 13:31

Na di bang én, nun dad Farisi salu di ku Dyisas, na manla, “Gasil ge mdà salu di dademe banwe du mayè Harì Hérod mati ge.”

I Fye Tulen gablà ku Dyisas Krayst i Sulat Luk 2:1

Na di bang ani nun urdin Sisar Agustus, i gumdatah di banwe Roma. Dekan i kdee dad to di kagotan salu di banwe gusutla du fsulatan i dagitla du nsen ale.

I Fye Tulen gablà ku Dyisas Krayst i Sulat Luk 23:24

Taman nagin Filat i knayèla, na nukuman Dyisas di fati.

I Fye Tulen gablà ku Dyisas Krayst i Sulat Luk 3:19

Na balù Hérod, i gumdatah di banwe Galili, nngakan du tanlaminan fayan Hérodiyas, i yaan twalin, na ise alò ani i gumngakan ku Hérod, bay too dee dademe sasè nimoan.

I Fye Tulen gablà ku Dyisas Krayst i Sulat Luk 9:7

Na nun linge Harì Hérod, i mdatah ganlal di banwe Galili, gablà di kdee mgimò Dyisas, na too msamuk i fandaman du man i dademe, Dyisas ani, dunan Dyan Gal Munyag mték mdà di fati.

Dad Nimò 23:26

“Agu Klawdyus Lisyas i smulat ani. Di ge too mgafè Gubirnador Filik. “Too fye flafus di ge.

Dad Nimò 24:27

Na di kakubu i lwe fali, nun tlas Filik i Gubirnador, dunan satu to dnagit ku Forkyus Fistus. Kabay là falwà Filik Fol di bilanggù, du kayean ku dnayen i dad Dyu i nimoan.

Dad Nimò 26:30

Kafnge én, i Harì, i Gubirnador, Birnis, na i kdee dademela déén tadag ale na mdà.

Dad Nimò 4:27

“Na glut Amumi Dwata, gdohò i man Dabid ani, du dini di syudad ani gustifun ale Harì Hérod, Gubirnador Fontus Filat, magin di dademe dad to ise Dyu, na i dad Dyu di Israél, du sasatu nawala misan ku Dyisas, i Saligam Landè Salà, i To Mgalékam.