I Fye Tulen gablà ku Dyisas Krayst i Sulat Luk 2:4 - Blaan Sarangani

⁴ Na Dyosif, én gutambulan di ku Harì Dabid, taman mdà kenen di lunsud Nasarét déén di banwe Galili salu di lunsud Bétléhém i banwe gusut Harì Dabid déén di Dyudiya.

I Fye Tulen gablà ku Dyisas Krayst i Sulat Luk 2:4 Iomraidhean Croise

Dyénésis 48:7

Nimògu ani, du too bong nawagu i yéam Rakél. Bong klidù nawagu di kfatin di Kanaan, mdadong di Éfrata di kulêgu mdà di Mésofotamya. Na lbanggu kenen mdadong di dalan salu di Éfrata.” (Éfrata ani, sadni dagitan Bétléhém.)

Matyu 1:20

Kabay di slengan faldam ani, gkudang kenen, na nun kasaligan Dwata msut di kenen fagu di knan, na manan, “E Dyosif, bel Harì Dabid, nang ge likò fasdeme ku Méri, du i kaltienan fagu sa di Mtiu Tulus.

Matyu 2:23

Na i gumnèla di Galili, dunan i tukay lunsud dnagit Nasarét. Na ani kagdohò i gman Dwata fagu di tugadan, manan, “I katlola kenen, to mdà di Nasarét.”

I Fye Tulen gablà ku Dyisas Krayst i Sulat Luk 2:3

Na kdee i dad to, salu ale di banwe gusutla, du fsulat i dagitla.

I Fye Tulen gablà ku Dyisas Krayst i Sulat Luk 2:5

Na di ksalun ditù, faginan bliwalan Méri, du sulatla i dagitla. Na di ksalula ditù tamaltien Méri.

I Fye Tulen gablà ku Dyisas Krayst i Sulat Luk 4:16

Na fles Dyisas di lunsud Nasarét, dunan i banwe gulamnokan. Kakel i Duh Kaftud salu kenen di gal gusatdò dad Dyu du én i tagnè nimoan. Na tadag kenen du masa i Tnalù Dwata.

Dyan 1:46

Na smalek Natanyél, “Nun kè fye to mdà di banwe Nasarét?” Na tmimel Filif, manan, “Ditù ite, fye teenam.”

Dyan 7:42

du là kè gsulat di Tnalù Dwata, na i Mgalék Dwata dunan satu bel Harì Dabid na sut kenen di banwe Bétléhém di gumnè Dabid?”

Ruth 1:19

Taman fadlug i lwe ani salu di Bétléhém. Na di kakella déén, dee gusalu nawa i dad to, du tikeng ale di kagkah Naomi du landè yaanan na dad ngaan. Na sasalek i dad libun, manla, “Naomi kè ani?”

Ruth 2:4

Na là mlo kel Boas mdà di Bétléhém, na manan di dad to kamtu, “Fye ku Dwata i Amu samnagin gamu.” Na tnimella kenen, manla, “Fye ku Dwata i Amu mlé kafye di ge.”

Ruth 4:11

Tmimel i dad sfalò ulu na i kdee dad to déén, manla, “Hae, gami sa tamite i kdee. Fye ku fasngad Dwata i Amu i yaanam kadang di ku Rakél na Liya, du dee dad ngàla di ku Dyékob. Fye ku ge kadang satu mdatah to di lumbukam dunan dad bel Éfrata na mdengeg di banwe Bétlehém.

Ruth 4:17

Na man i dad libun demen saldan, “Tanun lêman tingà Naomi lagi.” Na dnagitla kenen Obéd. Na Obéd i mà Dyési i mà Dabid i harì.