I Fye Tulen gablà ku Dyisas Krayst i Sulat Luk 2:37 - Blaan Sarangani

³⁷ Mdà di kfati yaanan balu kenen kel di walu falò fat falin. Na laan tnagak i Bong Gumnè Dwata. Mduh na butang mangamfù kenen di Dwata na gal kenen fwasa na dmasal di Dwata.

I Fye Tulen gablà ku Dyisas Krayst i Sulat Luk 2:37 Iomraidhean Croise

Salmo 22:2

E Dwatagu, di mduh fakdo agu di ge fye tnabengam agu, bay laam agu tnabeng, di butang fakdo agu na landè kaftudgu.

Salmo 23:6

Amugu Dwata, gadègu là tlag i kafyem na i kakdom deg di klogu mto, na mnè agu kadang di safédam kel di landè sen.

Salmo 27:4

Satu fnigu di Amugu Dwata i toogu knayè, dunan toogu kayè mnè di Gumnè Dwata di klogu mto; na di klogu mnè ditù kayègu ku toogu fandam i bong kafye Amugu Dwata, na fnigu moon ku nalakan agu.

Salmo 84:10

Balù ku alò sduhgu mnè di gustifun dad to mangamfù di ge, too fye fa i knègu ditù, di knègu di balù nean, balù ku kel di mlibu fali. Balù ku alògu tadag di bà gufusuk di Gumnè Dwatagu, too fye fa di deg di knègu di lam i gumnè i dad to mimò sasè,

Salmo 84:4

Na too nun kafye i dad to mnè di Bong Gumneam; too ale gal mlingag du dmayen ge.

I Fye Tulen gablà ku Dyisas Krayst i Sulat Luk 5:33

Na nun dad to talù di ku Dyisas, manla, “I dad to mlalò ku Dyan gal ale fwasa na dmasal, na salngad nimò dad to mlalò i dad Farisi, bay i dad mlalò ge, fadlug ale kmaan na minum na là fwasa.”

Dad Nimò 13:3

Taman kafngela fwasa na dmasal, fkahla i dad falella di dale Barnabas na Sol. Na kafnge én, dekla ale magu.

Dad Nimò 14:23

Na di kafnge malék Fol na Barnabas i dademe dad ulu di kat simbahan, fwasa ale na dmasal du bléla ale di Amuito Dyisas i gusmaligla.

Dad Nimò 26:7

Na i sfalò lwe lumbuk i gutambulmi dad Dyu, fatanmi i kagdohò Dwata i fakangan klola mangamfù di kenen di mduh na kifu. Na Harì Agrifa, du mdà di kfatangu i fakang ani, tadnalamla agu.

1 Timoti 5:5

Na i too glut libun balu i landè mifat kenen, snaligan alò Dwata, na mduh na butang fadlug dmasal di Dwata, du mni tabeng mdà di kenen.

Tafite 3:12

“ ‘Na i dad to gamfisan i dad sasè mkel di dale di klalòla deg, fbalinggu ale mdatah déén di gumnè Màgu Dwata na mnè ale déén landè gusenan. Na sulatgu di dale i dagit Màgu Dwata, na dagit i banwe Màgu Dwata, dunan falami Dyérusalém i fdanà fdu di langit mdà di Màgu Dwata. Na sulatgu di dale i falami dagitgu.

Tafite 7:15

Taman, “tadag ale di muna i gusudeng Dwata, na mimò ale i knayean mduh na butang di Bong Gumnean, na i sudeng di gusudeng i gumdatah dunan Dwata, kenen sa too mifat dale du mnè ale di kenen.