I Fye Tulen gablà ku Dyisas Krayst i Sulat Luk 2:35 - Blaan Sarangani

³⁵ na fagu déén fgadèla i dad fandam gbunila sasè. Na balù ge yéan, too bong kadang i klidù nawam, gambet nlahul ge sundang.”

I Fye Tulen gablà ku Dyisas Krayst i Sulat Luk 2:35 Iomraidhean Croise

Salmo 42:10

I kadoy dad dmuen deg tamduk gambet tnibela agu, du galla man, “Tanè sa i ktabeng Dwatam ge?”

I Fye Tulen gablà ku Dyisas Krayst i Sulat Luk 2:34

Na dnasal ale Simyon du fye banlé ale Dwata kafye, na manan di ku Méri, yê Dyisas, manan, “I tingaam ani mgalék Dwata du mgimò gumeyeito dad bel Israél knayean, na dee di gito galwà fagu di kdawatito kenen, bay dee dademe fanlayam, du balù kenen ilè mdà di Dwata knean knang kenen i dademe,

I Fye Tulen gablà ku Dyisas Krayst i Sulat Luk 2:36

Na nun satu tugad Dwata déén dnagit ku Ana. Én dagit mà libun ani, dunan Fanwél, na i gutambulla dunan Aser. Tatoo tua kenen, na alò fitu fali klon nun yaan.

Dyan 19:25

Na tadag déén mdadong di krus Dyisas yéan, na flanek yéan libun, na Méri yaan Klofas, na lêman Méri Magdalin.

1 Korintu 11:19

Fanyogu glut landè ksasatu nawayu, na balù sasè én, nun gufyen du fagu déén dilè ku simto di gamu too glut salig Dwata.

1 Dyan 2:19

Di muna fa, gakuf dad to dmuen ku Krayst di gito, bay lamwà ale du là sasatu nawala di gito. Ku sasatu nawala di gito gablà di kafaglut di ku Krayst, là ale fa lamwà. Kabay du lamwà ale, ani gugmadeito là sasatu nawala di kafaglutito di ku Krayst Dyisas.