I Fye Tulen gablà ku Dyisas Krayst i Sulat Luk 18:14 - Blaan Sarangani

¹⁴ “Na tulengu gamu i kaglutan, di kulê i to msal ani, matlu kenen di kite Dwata, bay i satu, là, du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

I Fye Tulen gablà ku Dyisas Krayst i Sulat Luk 18:14 Iomraidhean Croise

Dad Fngewe 15:33

I klikò di Dwata, én gamlé di to i kfulung faldam, na silang nun mafè i to ku funan fdanà i kton.

Dad Fngewe 18:12

I to fdatah, falmon i kton, bay i to fdanaan i kton, too mgafè.

Dad Fngewe 25:7

du fye fa ku manan di ge, “Dini ge di too fye gusudeng,” di kafyaan ge fagu di kmanan, “Blém i gusudengam di mdatah to ani.”

Dad Fngewe 29:23

I to fdatah i kton mdanà sa kadang di satu duh, bay i to fdanà i kton, mdatah sa kadang di satu duh.

Dad Fngewe 3:34

I dad to madoy, knang Dwata, bay blén i kafye di dad to fdanà i ktola.

Matyu 23:12

Du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

Matyu 5:3

“Nun kafye i dad to dmilè là ale gmagan mlalò Dwata ku ise mdà di tabengan, du gakuf ale di kagotan.

I Fye Tulen gablà ku Dyisas Krayst i Sulat Luk 1:52

Tafdanaan i dad mdatah harì, na tafdatahan i dad mdanà to.

I Fye Tulen gablà ku Dyisas Krayst i Sulat Luk 10:29

Kabay i to ani, kayean fite nun kaglut i salekan gine, taman snalekan Dyisas, manan, “Na simto kè i dademegu to gablàgu kando?”

I Fye Tulen gablà ku Dyisas Krayst i Sulat Luk 14:11

Du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

I Fye Tulen gablà ku Dyisas Krayst i Sulat Luk 16:15

Kabay manan di dale, “Gamu i dad to mayè mimò fye di kite i dad to, bay gadè Dwata i mnè di nawayu. Na i nimò too mabtas di dad to, baling too knang Dwata.

Roma 3:20

Du landè to mbaling matlu di kite Dwata fagu di kimenan i flalò blé Dwata fagu di ku Mosis, du galan nlafà. Én gukmamu i flalò, dunan fdilean di dad to i kagsalàla du galla nlafà.

Roma 4:5

Kabay i to là smalig di dad nimoan du fye matlu kenen, bay smalig di Dwata, fakay man matlu i to gamsalà mdà di kafaglutan, du én gumdà Dwata man matlu kenen.

Roma 5:1

Taman du tamatlu ito di kite Dwata fagu di kafaglutito di kenen, safyeito di kenen, fagu di nimò Amuito Dyisas Krayst.

Roma 8:33

Taman landè to fakay dmalam di salà i dad to tamgalék Dwata, du man Dwata landè salàla.

Galasya 2:16

Kabay balù én, tagadèmi là gami mbaling matlu di kite Dwata, mdà di kimenmi i flalò blé Dwata fagu di ku Mosis, bay alò mdà di kafaglutmi ku Dyisas Krayst. Taman tafaglut gami di kenen, du fye mdà di kafaglutmi mbaling matlu gami di kite Dwata fagu di ku Krayst, ise ku mdà di kimenmi i flalò, du landè to matlu di kite Dwata mdà di kimenan i flalò.

Dyém 4:10

Fdanàyu i ktoyu di Amuito Dwata, na fdatahan gamu.

Dyém 4:6

Kabay gal tnù Dwata i kafyen di gito, du ani i gman Tnalù Dwata, “Knang Dwata i dad to fdatahla i ktola, bay i dad to fdanàla i ktola galan banlé kafye.”