I Fye Tulen gablà ku Dyisas Krayst i Sulat Luk 18:1 - Blaan Sarangani

¹ Na nun fléd tulen Dyisas dale du fye tdoan ale i kabtas ku fadlug ale gal dmasal na nang flungay nawa.

I Fye Tulen gablà ku Dyisas Krayst i Sulat Luk 18:1 Iomraidhean Croise

Salmo 27:13

Kabay toogu fa fnaglut falwà agu i Amugu Dwata, du fye teengu i bong kafyen di deg dini di tah tanà ani.

Salmo 65:2

du ge i tmimel dad dasal, taman ge gufdadong dad to di klamang banwe du nun salàla.

Dyona 2:7

Di klandè imen nawagu ku mto agu, gafaldamgu ge, Amugu na too agu dmasal di ge, na ditù di Bong Gumneam talingem agu.

I Fye Tulen gablà ku Dyisas Krayst i Sulat Luk 11:10

Du balù simto mni di Dwata, gamdawat sa, na balù simto mngabal, fite Dwata di kenen i fanngabalan, na balù simto mbal fusuk, lanwa Dwata di kenen i takab.

I Fye Tulen gablà ku Dyisas Krayst i Sulat Luk 21:36

Taman nang gamu tlag fgeye, na fadlug dmasal fye banlé gamu Dwata gnaganyu di kgaguyu dad kaflayam, du fye là gamu myà di ktadagyu di munagu, agu i dnagit Tingà To.”

Roma 12:12

Na too gamu flehew, du nun kafye fatanyu di fulé duh. Na too gamu tmayud di kaflayamyu. Na nang gamu tlag dmasal di Dwata.

2 Korintu 4:1

Na du mdà di kakdo Dwata saligan di gami i nimò ani, dunan fgadèmi di dad to i falami dalan di Dwata. Taman là mlungay nawami fgadè dun, du mdà di kakdon.

Galasya 6:9

Taman fye ku là ito flungay mimò fye, du ku gamtayud ito di kimoito fye, nun duh kadang gamdawat ito i fye untung blé Dwata gito.

Ifisus 6:18

Faguyu i kdee ani di dasal, na di kdasalyu fniyu tabeng mdà di Dwata. Fadlug gamu dmasal fagu di kalak Mtiu Tulus. Na too gamu fgeye na nang tlag dmasal i kdee dad to Dwata.

Filifos 4:6

Balù tan kel di gamu nangyu fsamuk i nawayu, bay too gamu mni di Dwata i kdee klidùyu. Na di kafniyu, gal gamu mlé fye di kenen.

Kolosas 4:12

Ifafras i mdà di gamu banwe na satu salig Krayst Dyisas, fandaman gamu kun. Na toon gamu dnasal, du fye mgal na lamnok i kafaglutyu, du fye tooyu gadè i knayè Dwata.

Kolosas 4:2

Fadlug gamu dmasal di Dwata mdà di nawayu na mdà di fye fandamyu. Na mlé gamu fye di Dwata mdà di kafyen gamu.

1 Tésalonika 5:17

nang gamu tlag dmasal di Dwata,