I Fye Tulen gablà ku Dyisas Krayst i Sulat Luk 17:3 - Blaan Sarangani

³ Taman too gamu fgeye! “Ku gamsalà i dademem, nngakam, na ku msal kenen, nlifetam i salaan.

I Fye Tulen gablà ku Dyisas Krayst i Sulat Luk 17:3 Iomraidhean Croise

Éksodus 34:12

Na nang gamu mimò balù tan kasfakangyu i dad to di banwe gusaluyu, du ku én nimòyu tlaab gamu, du là mlo balingyu lalò i sasè nimòla.

Dad Fngewe 17:10

I to nun kaglabat, too mlal tdò balù fa alò fagu di sulê kngak kenen, di to i là fulung faldam, balù fa tamaskél mlatu dulê.

Dad Fngewe 27:5

Fye fa ku nngakam i satu to, du ku laam nngak ken man nawan landè kakabasam kenen.

Dad Fngewe 9:8

Nang ge mngak i to madoy, du knangan ge, bay ku nngakam i to fulung, toon ge nafè.

Matyu 18:21

Na fdadong Fiter di ku Dyisas, na smalek kenen, manan, “Amu, file dulêgu nlifet i salà demegu to gamsalà di deg? Kel di fitu dulê dé?”

I Fye Tulen gablà ku Dyisas Krayst i Sulat Luk 21:34

“Kabay too gamu fgeye du fye làyu fsen nawayu kmaan na minum i dad gamlangal, ken én mnè di nawayu i knèyu di tah tanà, na baling gamu taknal di kakel i duh kasfulêgu,

Ifisus 5:15

Taman tooyu neye i kibòyu fagu i ktoyu, nangyu lalò i dad to là fulung faldam, bay lalòyu i dad to fulung faldam.

Hibru 12:15

Too gamu fgeye na stabeng, du fye landè balù satu di gamu là gakuf di kafye mdà di Dwata, na du fye landè di gamu mbaling gambet sabat lamnok na munge féét, na smamuk i dad to faglut, na dee mgebe di sasè.

Dyém 5:19

Dad flanekgu, ku nun di gamu gasyat di kaglut Tnalù Dwata, na i demen to mebe kenen samfulê di kaglut,

2 Dyan 1:8

Taman too gamu fgeye, du fye là baling lana di gamu i untungyu di nimòyu, bay gdawatyu i kdee kayè Dwata blè di gamu.