I Fye Tulen gablà ku Dyisas Krayst i Sulat Luk 15:22 - Blaan Sarangani

²² “Kabay tlo i maan dad saligan, na manan, ‘Faflal gamu! Nebeyu dini i too fye klaweh, na falsakyu kenen. Fnalsakyu kenen tising na tnalumfàyu.

I Fye Tulen gablà ku Dyisas Krayst i Sulat Luk 15:22 Iomraidhean Croise

Dyénésis 41:42

Kafnge én, nwè i harì i tising di tnaloan, na falsakan di tnalò Dyosif, du ilè kenen mgimò ulu. Na falsakan i too mabtas klaweh, na faslan i sla blawen.

Salmo 132:16

I dad bàyu di deg mebe i kagalwà di salà mdà di deg, na mkit i kdee togu di klehewla.

Salmo 132:9

Fnimi ku i dad bàmi di ge mebe i katlum, na mkit i kdee tom di klehewla.

I Fye Tulen gablà ku Dyisas Krayst i Sulat Luk 15:21

“Na man i tingaan, ‘Mà, tagamsalà agu di Dwata na lêman di ge. Talà agu gablà tlo tingaam.’

I Fye Tulen gablà ku Dyisas Krayst i Sulat Luk 15:23

Nwèyu i tingà baka tafabù, na tnatêyu. Mimò ito fista, na too ito flehew,

Roma 13:14

Kabay balingyu lsak Amuito Dyisas Krayst, dunan too gamu mimò i kenen knayè. Na nang gamu mimen i sasè knayèyu.

Roma 3:22

I dalan gufagu Dwata fye matlu i dad to di kiten, dunan i kafaglutla ku Dyisas Krayst. Landè gusahal i dad to

Roma 8:15

Du i Tulus blé Dwata di gito, laan ito nimò fasak fye too ito likò Dwata, bay fbalingan ito dad ngà Dwata. Na mdà di eneg Tulus Dwata, tafakayito tlo Maito Dwata.

Galasya 3:27

Na kdeeyu tafbunyag di ku Krayst mbaling masasatu di kenen, na talalòyu kenen.

Ifisus 6:15

Lsakyu dad talumfà kamlung i blìyu, dunan fatlagadyu tmulen i Fye Tulen mlé ktanak nawa.

Tafite 19:8

Na gablé di libun i klaweh too bukay, i too mneng na too mlaneb na lsakan.” Na i gumtatek i mabtas klaweh ani, dunan i kdee dad matlu nimò mgimò i dad to tanfun Dwata.

Tafite 2:17

“ ‘Ku nun klingeyu, too gamu flinge i gman Tulus Dwata di gamu dad faglut. Na i dad to gamfisan i dad sasè mkel di dale di klalòla deg, banlégu ale i knaan dnagit mana mdà di langit, i tagbuni ditù, na banlégu i kat satu dale i bukay batu. Na déén di batu i gusmulat i falami dagit, bay alò i to gamdawat i batu ani gmadè i dagit gsulat déén.’ ” Ani man Dyisas di dad to faglut di banwe Firgamun.

Tafite 3:18

“ ‘Taman ani fanngeweta gamu, di deg gumwèyu too glut blawen i gagu di lifoh, du fye nun bong knunyu. Na di deg gumwèyu bukay klaweh du lsakyu, du fye landè kyàyu di kaflawehyu. Na lêman di deg gumwèyu bulung i matayu, du fye mgulê i kbutèyu na baling gamu too mite.

Tafite 6:11

Kafnge én, gablé di kat man satu dale i klaweh bukay, na man i Amula di dale, fye ku ftud ale fa kel di ksikof kfati i kdee lifanan fnati gambet dale, i kdee flanekla di kafaglut di ku Dyisas Krayst.

Tafite 7:9

Kafnge én, teengu bong mlabung dad to i landè fakay gamse dun, na i gumdàla di kdee sahal banwe, di kdee sahal lumbuk i dad to, di kdee sahal bung to, na mdà di kdee sahal bung talù. Na tadag ale di muna i gusudeng i gumdatah na di muna i Tingà Bilibili. Na kdeela lamsak bukay klaweh na kat satu dale magot i taglang falmira.