I Fye Tulen gablà ku Dyisas Krayst i Sulat Luk 13:34 - Blaan Sarangani

³⁴ Na too mlidù nawa Dyisas gablà di dad to di Dyérusalém, na manan, “E gamu dad to di Dyérusalém, gamu dad to mati i dad tugad Dwata, na tmudà batu kel di kfati i dad saligan dekan di gamu! Tadee dulêgu mayè samtifun gamu di ifatgu gambet i anuk mliton santifunan i dad unsuyan di dungan fafakan, bay là gamu mayè.

I Fye Tulen gablà ku Dyisas Krayst i Sulat Luk 13:34 Iomraidhean Croise

Salmo 91:4

Snafangan ge di dad gamsasè ge, salngad di anuk smafang i dad ngaan di dungan i fafakan fye landè sasè gafat di ge; kanlungan ge du too gsalig kenen.

Matyu 22:3

Na dekan dad saligan di dad to tanlakan du fye nngéla ale, bay là ale mayè.

Matyu 22:6

Na i dademe, kanfèla dad saligan, na fatdukla ale, na fnatila.

I Fye Tulen gablà ku Dyisas Krayst i Sulat Luk 15:28

“Kabay baling kenen flabè, na laan mayè fusuk di gumnè. Taman lamwà i maan na fakdo di kenen fye fusuk.

I Fye Tulen gablà ku Dyisas Krayst i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di gugkahan, du mti malbà, du làyu dilè ku ani i duh kakel Dwata di gamu du falwà gamu!”

I Fye Tulen gablà ku Dyisas Krayst i Sulat Luk 23:28

Kabay falê Dyisas di dale, manan, “E gamu dad libun mdà di Dyérusalém, nangyu agu nngel. Nngelyu moon i ktoyu na dad ngàyu,

Dad Nimò 7:52

Di kdee dad tugad Dwata di muna, landè di dale là fanlayam i dad gutambulyu. Dademe dad tugad Dwata fnatila du fgadèla gablà di kakel i To Landè Salà dini di tah tanà. Na di kakelan nangkalyu na balingyu kenen fnati.

Dad Nimò 7:59

Na slengla tmudà i dad batu di ku Stifan, dmasal kenen, manan, “Amugu Dyisas, dnawatam i nawagu ani.”

Dad Nimò 8:1

Na nagin Sol i ayè i dad to mati ku Stifan. Na di duh kfatila ku Stifan, dunan i katbù kaflayam i dad to faglut déén di syudad Dyérusalém. Na dee dad faglut, mila ale na sbalét di klamang dad banwe Dyudiya na Samériya, na alò i dad to gal dek Dyisas mtagak di Dyérusalém.

Tafite 11:8

Na i dad lawehla tatì gtidol di dalan i bong syudad, dunan banwe gumlansang i Amula Dyisas di krus. I guflingen syudad ani, dunan Sodom na Idyif.

Ruth 2:12

Fye ku Dwata i Amu, i Dwata i dad bel Israél i gufaklungam, malas ge i kafye nimoam na smikof di ge i untungam.”