I Fye Tulen gablà ku Dyisas Krayst i Sulat Luk 12:23 - Blaan Sarangani

²³ Tablé Dwata di gito i too mabtas, dunan i nawaito na lawehito, taman landè duenito fsamuk i nawaito gablà i knaan na klaweh.

I Fye Tulen gablà ku Dyisas Krayst i Sulat Luk 12:23 Iomraidhean Croise

Dyénésis 19:17

Di kebela dale Lat ditù di lwà, man i satu kasaligan di dale, “Mila gamu, fye gafles gamu galwà. Nang gamu falê na nang gamu fafanak di gudatal ditù, bay mila gamu salu ditù di dad bulul, du fye là gamu mati.”

Dad Fngewe 13:8

I to nun knun, i knunan gafalwà kenen di agot dad sasè to mantak kenen, bay i to landè, landè to mantak kenen.

I Fye Tulen gablà ku Dyisas Krayst i Sulat Luk 12:22

Na manan di dad to gal mlalò kenen, “Taman ani mangu di gamu, nangyu fsamuk i nawayu gablà di dad klidùyu, i galyu knaan, na gablà di lawehyu ku tan klaweh galyu lsak.

I Fye Tulen gablà ku Dyisas Krayst i Sulat Luk 12:24

Fandamyu dad wak, là ale mla ku demen kamtu, landè lawig ku demen fol gusamtifunla knaanla, bay fankaan ale Dwata. Na gamu mabtas fa di dad anuk di bnas.

Dad Nimò 27:38

Na di kabsol i kdeela, batla di mahin i dademe msela, du fye magwà kablat i lulenla.