I Fye Tulen gablà ku Dyisas Krayst i Sulat Luk 11:22 - Blaan Sarangani

²² Kabay ku nun to mgal fa matud samfati na misan kenen, gaganan mwè i tek gusmaligan na i knunan, na sansalelan di dad ton.

I Fye Tulen gablà ku Dyisas Krayst i Sulat Luk 11:22 Iomraidhean Croise

Dyénésis 3:15

Sanduengu gamu, ge na i libun, na i dad belan, na i dad belam, na mbaling gamu snang nawa kel di atuan. I belan ndakan kadang i ulum, na nakétam i takadan.”

Éksodus 15:9

Na fdag i dad to dmuen gami du manla, ‘E, tnafikmi ale, na kanfèmi ale kadang Na sansalelmi i dad knunla, na i kalbong knayèmi nwè, nwèmi. Nsòmi fais di lumàmi, du nwèmi i kdee nfunla.’ Én i kafdag i dad to dmuen gami.

I Fye Tulen gablà ku Dyisas Krayst i Sulat Luk 11:21

“Ku fkahta di mgal to mebe tek mantay i gumnean, landè sa to gamwè knunan.

I Fye Tulen gablà ku Dyisas Krayst i Sulat Luk 11:23

“Na mangu di gamu, balù simto to là msen deg, dmuen deg, na balù simto to là tmabeng samtifun i dad to di deg, balingan ale sanbalét.”

Ifisus 6:11

Na lsakyu i kdee klung blé Dwata gamu, du fye là gamu fisan i dad sasè kafgaw Satanas.

Ifisus 6:13

Taman dad flanekgu, lsakyu i kdee dad klung blé Dwata di gamu dad sundalun, du fye kakel i duh i too sasè kasfatiyu dad sasè tulus, là gamu fisan, bay too gamu fa gtadag kel di gusen i kasfati.

Kolosas 2:15

Na fagu di kfati Krayst di krus, falmo Dwata glal i dad busaw na kdee dad sasè tulus, na fiten di kdee kagfisanan dale.

1 Dyan 3:8

Kabay i to gal gamsalà, nfun kenen Satanas, du Satanas too gamsalà fandà fa di katbuan. Én duen Tingà Dwata fbaling to dini di tah tanà, du fye falmon i nimò Satanas.

1 Dyan 4:4

Kabay gamu dad ngàgu, tanfun gamu Dwata, na tagfisanyu i dad to flingu, ale dad tugad Dwata, du Tulus Dwata tamnè di gamu, too mtulus fa di ku Satanas i mnè di dad to là faglut di tah tanà.