I Fye Tulen gablà ku Dyisas Krayst i Sulat Luk 1:68 - Blaan Sarangani

⁶⁸ “Dnayenito Amuito Dwata fnangamfù i dad bel Israél, du tasalu kenen di gito dad ton, na banlén ito kagalwà.

I Fye Tulen gablà ku Dyisas Krayst i Sulat Luk 1:68 Iomraidhean Croise

Dyénésis 14:20

Magdayen Dwata i Too Mdatah, du tnabengan ge di kfisanam i dad dmuen ge.” Kagmanan ani, blé Abram ku Mélkisidék i gasfalò i kdee gwean di dad fat harì i fnisanan.

Dyénésis 24:27

manan, “Dnayengu Dwata i Amu, i Dwata i amugu Abraham, du too kenen gsalig, na nun kakdon landè kgilin, na dnohoan i fakangan di amugu, na kenen malak dagu di kagugu ditù di gumnè gaked i amugu.”

Dyénésis 9:26

Dnayenito Dwata i Amu, i Dwata Sém. Kanaan moon mgimò kadang lifan Sém.

Salmo 130:8

Na kenen msò i bel Israél di kdee salàla.

Éksodus 4:31

na fnaglutla dek ale Dwata di dale. Na kaklinge i dad tua too kamdo Dwata i Amu dad bel Israél, na tateenan i bong kaflayamla di falel i dad to Idyif, lkuad ale, du mangamfù ale kenen.

I Fye Tulen gablà ku Dyisas Krayst i Sulat Luk 1:71

manan falwaan ito mdà di dad to dmuen gito, na mdà di kagot kdee dad to mnang nawa gito.

I Fye Tulen gablà ku Dyisas Krayst i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di gugkahan, du mti malbà, du làyu dilè ku ani i duh kakel Dwata di gamu du falwà gamu!”

I Fye Tulen gablà ku Dyisas Krayst i Sulat Luk 2:38

Na ditù ale Méri fa, fdadong di dale i tua libun ani na mlé fye di Dwata. Na tmulen kenen gablà di tingà én di balù simto to fatan i kafalwà Dwata i dad to di Dyérusalém.

I Fye Tulen gablà ku Dyisas Krayst i Sulat Luk 24:21

Én imen nawami ku kenen i msò gito dad bel Israél, bay tatlu butang klo i mkel kdee ani.

I Fye Tulen gablà ku Dyisas Krayst i Sulat Luk 7:16

Di kite kdee dad to dun ani, too ale likò, na dnayenla Dwata, manla, “Tanun kel di blengito satu tugad Dwata too mdatah. Tatmabeng nan Dwata i dad ton.”

Ifisus 1:3

Na dnayenito Dwata i Mà Amuito Dyisas Krayst, du mdà di ksasatuito di ku Krayst bong kafyen gito, du gdawatito i kdee blé Tulusan mdà di langit.

Ifisus 1:7

Na mdà di litè Dyisas Krayst falohan di kfatin, nsoan ito mdà di kgikatito di salà, na nlifetan i dad salaito. Tay, i bong kafye Dwata,

Hibru 9:12

Na di kfusuk Krayst déén di Too Mdatah Sibay di langit, alò sulê, du ise ku litè kambing ku demen baka i neben, bay kenen litè i dsuan na mdà di kadsuan i kton, gsoan ito di kaflayam landè gusenan.

1 Fiter 1:3

Too ito dmayen Dwata Mà Amuito Dyisas Krayst, du mdà di bong kakdon gito tablén di gito falami nawa fagu di kték Dyisas Krayst mdà di fati. Taman too nun fatanito i là gwè di gito.