Hibru 12:4 - Blaan Sarangani

⁴ Hae, du gadèyu di kasfatiyu i sasè, landè di gamu fa fnati mdà di kafaglutyu di ku Dyisas.

Hibru 12:4 Iomraidhean Croise

Matyu 24:9

“Na di bang én, kanfè gamu i dad to na nebela gamu di dad ganlalla du fanlayamla, na fnatila gamu. Knang gamu nawa i kdee to du gamu dad togu.

1 Korintu 10:13

I kdee kibò Satanas tmilew gito, salngad i gal gnagu i dademe to di tah tanà. Kabay Dwata too gsalig tmabeng gito, du laan faloh di gito i tilew laito gagan tnayud. Kabay di bang nun tilew banlén ito gnagan, du fye là ito gamsalà.

Filifos 2:8

Na di kafbalingan to, toon fdanà fa i kton, na nimenan i kdee knayè Dwata kel di kfatin di krus.

Hibru 12:2

Na too ito meye di ku Dyisas i gumlaloito, du kenen i gumdà na smikof i kafaglutito. Du too kenen tmayud i kaflayaman déén di krus, na landè kyaan di fatin, du én baling fandaman i bong klehew i gdawatan di kakubu i kaflayaman. Na sadni sudeng kenen gsen di kwanan Dwata, du én gufdatah Dwata kenen.

Hibru 13:13

Taman salu ito di ku Dyisas ditù di lwà i banwe, na magin ito kenen di kaflayaman na i kyaan.

Tafite 12:11

Na dad flanekito di kafaglut tagfisanla Satanas fagu di litè i Tingà Bilibili, na mdà di ktulenla i Tnalù Dwata. Na là mabtas di dale i nawala, bay gatlagad ale mati.

Tafite 17:6

Na teengu talangal i libun ani, langal di litè i dad to nfun Dwata, i dad mati mdà di kafaglutla di ku Dyisas. Na di kitegu kenen toogu tikeng.

Tafite 18:24

Tatoo falmo Dwata i banwe Babilon, du déén gumite i kfaloh i litè i dad tugad Dwata, na dademe dad to nfun Dwata, na balù i litè i kdee dademe dad to bnanò di tah tanà.”

Tafite 2:13

Na ani sa i manan gamu. Gadègu gablà di banwe gumnèyu, du nagot Satanas banweyu. Kabay knean, too mabtas di gamu i klalòyu deg na làyu tnagak i kafaglutyu balù di kfatila ku Antifas di blengyu. Too gsalig Antifas tmulen gablà di deg.