Hibru 1:6 - Blaan Sarangani

⁶ Na lêman, di tafan kdek Dwata i tingaan, i too mdatah di kdee dini di tah tanà, manan gablà di kenen, manan, “Fye ku too mangamfù i kdee dad kasaligangu di kenen.”

Hibru 1:6 Iomraidhean Croise

Matyu 24:14

Na silang kel gusen i banwe ku tagatdò i Fye Tulen gablà di kagot Dwata di klamang banwe du fye mlinge kdee bung to di tah tanà i kaglutan.”

Dyan 1:14

I dnagit Tnalù tambaling to, na mnè kenen di safédito na tatoon fite i kafyen di gito, na too glut i kdee manan. Tateenito i bong kdatahan, i kdatah i sen Tingà Maan Dwata.

Dyan 1:18

Landè to lmen mite Dwata, bay i sen Tingaan, du lê kenen Dwata na i too kanbong nawa i Maan, na fgadean di gito i kagkah i maan.

Dyan 3:16

“Du Dwata toon kanbong nawa kdee dad to di tah tanà, taman blén i sen Tingaan du fye balù simto faglut di kenen là malmo di salà, bay nun nawan landè sen.

Roma 8:29

Du di katbuan, tagnè gmadè Dwata ku simto dad faglut di kenen, na nalékan ale du fbalingan ale dad ngaan gambet i Tingaan Dyisas, du fye Dyisas mbaling sangal twege di kdeeito dad flanekan.

Kolosas 1:15

Na Krayst Dyisas fbaling to, na di kenen i gumiteito kdee gablà di Dwata, i là fakay teen, tagnè kenen Tingà Dwata na mdatah di kdee mgimò.

Kolosas 1:18

Na Krayst i ulu di lawehan, dunan i dad faglut di kenen, na kenen i mlé nawa di dale. Mdatah i glalan di kdee dad mto mdà di fati, du fye kenen alò mdatah di kdee.

Hibru 1:5

Du là lmen gman Dwata di satu kasaliganan, “Ge tingàgu, na di duh ani fgadègu agu i maam.” Na là lmen gman Dwata di kasaliganan, “Ge i tingàgu, na di duh ani tafdatahta ge du tafgadègu agu i maam.”

Hibru 10:5

Na én duenan di fan ksalu Dyisas dini di tanà ani, manan di Dwata, “Ise ku én i toom knayè i dad lmanaf dsù, na i dademe dsù blé di ge, bay tanimoam i lawehgu, du fye dsù di ge.

1 Fiter 3:22

Tasalu kenen di langit, na mnè di gsen kwanan Dwata, du kenen magot i kdee dad kasaligan, i kdee nun glal di langit, na kdee dad mtulus.

1 Dyan 4:9

Na fite Dwata i kakdon gito fagu di kfeben i Tingaan tunggal dini di tah tanà, du fye fagu di kenen gfunito nawa landè sen.