Filifos 4:2 - Blaan Sarangani

² Na fakdogu di lwe libun déén, dunan Yudya na Sintiki, sansatuyu i nawayu, du saflanek gamu mdà di ksasatuyu di Amuito.

Filifos 4:2 Iomraidhean Croise

Dyénésis 45:24

Kafnge én, fdà Dyosif i dad flanekan, na di fan ale mdà manan di dale, “Nang gamu sdalam na sbulaw di slengyu magu.”

Mark 9:50

“I dad to mlalò deg gambet kahì mlé nem di knaan du ale gumdà i kafye di demela to, bay ku magwè i nem i kahì, talandè kibò fye lêman mahì. Taman fye ku gambet kahì mangnem i nimòyu, taman sansatuyu nawayu di dademeyu.”

1 Korintu 1:10

Dad flanekgu faglut, toogu fakdo di gamu, mdà di glal Amuito Dyisas Krayst, tooyu sansatu i nawayu, du fye nun ksasatuyu. Sansatuyu i nawayu di satu fandam na di satu knayè.

Filifos 3:16

Kabay i mabtas di gito, fadlug ito mlalò i kaglut tamatdò di gito.

1 Tésalonika 5:13

Tooyu ale nafè na kando, du mdà di nimòla di gamu. Na sansatuyu i nawayu.

Hibru 12:14

Sansatuyu nawayu, du fye nun ktanak nawa i kat man satu gamu, na fatluyu i ktoyu, du ku là ito matlu là ito kadang mite Dwata.