Filifos 3:1 - Blaan Sarangani

¹ Na dad flanekgu faglut, ani fa kayègu man di gamu. Too gamu flehew di ksasatuyu di Amuito Dyisas Krayst. Là agu gdè samsulit di gamu i sulatgu di gamu di muna, du én kamlung gamu di dad ise glut tdò.

Filifos 3:1 Iomraidhean Croise

Salmo 32:11

Taman gamu dad to matlu, too gamu flehew mdà di kdee mgimò Dwata di gamu; na mkit gamu di bong klehewyu gamu dad mimen kenen.

Salmo 33:1

Flehew gamu di kafye Amuito Dwata, kdeeyu dad to matlu! Én gablà nimò dad to mimen Dwata, dunan dmayen kenen.

Salmo 37:4

Én nimòyu klehewyu Amuito Dwata, na blén di gamu dad knayè i nawayu.

Salmo 42:4

Too sè i klidù nawagu di kagafaldamgu i fye nimògu di muna, di kagingu fa i dee to salu ditù di Bong Gumnè Dwata. Agu i tukè muna di dale di kagumi na too lehew kdeemi; klomi magu mlingag gami na mkit dmayen na mlé fye di Dwata.

Salmo 5:11

Kabay kdee dad to smalig di ge, banlém ale klehew, fye too ale gal mlingag di klehewla. Kanlungam ale, fye lehew di ge i dad to ani i mbong nawa ge.

Matyu 5:12

Salngad ani i kaflayamla dad tugad Dwata di muna, taman too gamu flehew du bong untungyu kadang di langit.

I Fye Tulen gablà ku Dyisas Krayst i Sulat Luk 1:47

na too lehew nawagu Dwata, i To Falwà deg,

Roma 5:11

Là alò ani, bay nun klehewito, du mdà di kakdo Dwata gito i fiten fagu di Amuito Dyisas Krayst i tamebe gito di kasafyeito di Dwata.

2 Korintu 13:11

Na ani nan, dad flanekgu faglut, i gusen i mangu. Tooyu tanlu i dad nimòyu, fanlingeyu i kafakdogu di gamu, na sansatuyu i nawayu, du fye manak i knèyu, na Dwata i gumdà i kakdo na ktanak nawa samnagin gamu.

Ifisus 6:10

Na di gusenan, ani fa mangu di gamu, du masasatu gamu di Amuito Krayst Dyisas, tangalyu i kafaglutyu di kenen fagu di bong kgal i tulusan.

Filifos 3:3

Kabay gito nun too glut ilè gito dad ngà Dwata, du mangamfù ito di Dwata fagu di Tulusan, na flehew ito mdà di ksasatuito di ku Krayst Dyisas. Na ise ito dad to i smalig di kaftulì i gafalwà gito.

Filifos 4:4

Too gamu fadlug flehew, mdà di ksasatuyu di Amuito Krayst Dyisas. Na lêgu nulit man, too gamu flehew.

Filifos 4:8

Na dad flanekgu faglut, di gusenan nun kayègu man di gamu, tooyu fnè di fandamyu i kafye na i gablà kdayen, i kaglut, i fye nimò, i katlu, i mtiu, na i kdee gablà nafè.

1 Tésalonika 4:1

Nun fa kayèmi man dad flanekgu. Tatdòmi gamu kibòyu kfagu i ktoyu, du fye gaflehewyu Dwata, na ani lalòyu. Kabay ani, toomi fni na fakdo di gamu mdà di dagit Amuito Dyisas, fnadlugyu fa tamnù i fye nimòyu.

1 Tésalonika 5:16

Fadlug gamu flehew,

Dyém 1:2

Dad flanekgu faglut, ku kel di gamu dee bung kaflayam fkahyu di nawayu bong klehew,

1 Fiter 3:8

Na nun fa mangu di kdeeyu, tooyu sansatu i fandamyu na nawayu, na sagin gamu di klehew na klidù nawa, sakdo gamu du saflanek gamu di kafaglut, safye gamu, na safdanà gamu nawa.

1 Fiter 4:13

Kabay too gamu flehew, du gakuf gamu di kaflayam Krayst, fye matnù klehewyu di duh kasfuléan, di kfite i kdatahan.

2 Fiter 3:1

Dad flanekgu kanbonggu nawa, ani i galwe sulatgu di gamu. Di lwe sulatgu, fafaldamgu gamu i dad tagadèyu, du fye matlu i fandamyu dun.