Éksodus 8:3 - Blaan Sarangani

³ I yéél Nilu kadang fnò fak. Fusuk ale kadang di bong gumneam, di lam i sibayam, na kamyaf ale kadang di gumileam. Fusuk ale lêman di gumnè i dad ganlalam, na i dad tom, na balù di lam i kulangyu i gumimòyu knaan.

Éksodus 8:3 Iomraidhean Croise

Salmo 105:30

Na kafnge én, i banwela tì fnò fak, balù di lam dad sibay i dad mebe i banwe di bong gumnè i harì.

Éksodus 10:6

Too fnò kadang dad gumnèyu, i dad gumnè i dad ganlalam, na i dad gumnè i kdee dad to Idyif. Landè fa lmen teen i dad màyu, na balù dad muna toyu, i dee tlangas salngad ani mdà di knèla dini di banwe ani kel ani.’ ” Ani gine gman Mosis di ku Faraon. Na di kmanan ani mdà kenen na tnagakan Faraon.

Éksodus 12:34

Taman i dad bel Israél, tatìla fkah i harinala tamasbol nan, bay là nbol fa falnok, di gusamboolla dun, na fnungasla i dademe klawehla na tniangla.

Éksodus 7:11

Kafnge én, fatlo Faraon i kdee dad to nun gnadè, na dad dademe fulung mimò tnikeng, na fagu di dad gnadèla gamgimò ale salngad nimò Aron.

Éksodus 8:11

Dad fak ani kadang tmagak gamu, na di dad gumnèyu, i dad ganlalam, na i dad tom, bay nun fa alò di yéél Nilu.”

Éksodus 8:2

Du ku laam ale faloh lamwà, fanlayamgu i klamang banwem ani fagu di dee fak.

Éksodus 8:4

Kamyaf ale kadang di ge, di dad tom, na balù di kdee i dad ganlalam.” ’ ”