Éksodus 6:9 - Blaan Sarangani

⁹ Na taman tulen Mosis di dad bel Israél i gman Dwata, bay, là ale mayè flinge dun, du too sè klidùla, du mdà di kaglifanla di dad to Idyif.

Éksodus 6:9 Iomraidhean Croise

Éksodus 1:14

Toola ale banlé kaflayam di knèla, fagu di kfimò dale i dad gumnè mdà di tanà sanbool i gambet lami fali, na yéél. Na fimò ale fa i dee dademe nimò di dad nligola. Na toola ale fanlayam, na landè kakdola dale.

Éksodus 14:12

Làmi kè gman di ge di kdéénito fa di Idyif, fye ku gami fbayà flifan di dad to Idyif? Fye fa ku gami fadlug flifan di dale, di mati gami dini di banwe gulandè to.” Én ugak i dad bel Israél.

Éksodus 2:23

Tatoo mlo, mati i harì di Idyif. Na i dad bel Israél too maflayam fa mdà di kaglifanla. Too ale dmalong na mni ale tabeng di Dwata.

Éksodus 5:21

Na manla di dale Mosis, manla, “Teen sa i Dwata i Amu, i mgimòyu ani, na fanlayaman gamu. Hae, du mdà di gamu i duen i harì na i dad ganlalan too knangla gami. Na fagu di nimòyu ani banléyu ale dalanla mati gami.”

Éksodus 6:10

Na lêman man Dwata i Amu di ku Mosis,

Dad Fngewe 14:19

Satu duh, i dad to sasè, lkuad di muna i dad to matlu, du fdanà ale na too ale fakdo mni tabeng.

Dad Fngewe 18:14

I to fangalan i nawan di bang i nun fdasan, ani i dalanan tmabeng i kton, du fye mto, bay i to flungay i nawan di nun fdasan, landè imen nawan ku mto fa kenen.