Éksodus 6:6 - Blaan Sarangani

⁶ Taman tnulenam ale i mangu, manam, ‘Agu Dwata i Amu, na falwàta gamu di falel i dad to Idyif. Falwàta gamu mdà di kaglifanyu di dale. Nsògu gamu di agotla, fagu di bong gnagangu i gfitegu, na fanlayamgu ale.

Éksodus 6:6 Iomraidhean Croise

Éksodus 1:11

Taman nalékla i dad to labè, du ale mgimò ulu gal magot i dad bel Israél, du mleges dale mimò i blat nimò. Fafdakla dale i lwe syudad dnagit ku Fitom na Rameses, du déén gumusek i dad knaan na i dad knun Faraon, i harì di banwe Idyif.

Éksodus 12:41

Na di duh ksikof i fat latu tlu falò fali, lamwà i kdee i dad to Dwata i Amu, di banwe Idyif.

Éksodus 15:13

Fagu di kakdom landè kgilin, dnohoam kadang i fakangam, na nalakam i dad to tansoam mdà di falel i dad to dmuen dale. Fagu di bong gnaganam, gmagan ge malak dale di banwe i gumneam, i tagaam dale.

Éksodus 16:6

Taman, tulen Mosis na Aron i kdee dad bel Israél i gman Dwata, manla, “Di kifu ani tooyu gadè Dwata i Amu, kenen sa i falwà gamu mdà di banwe Idyif.

Éksodus 2:11

Satu duh, di taktua Mosis, nlauyan i dad ton Hibru, na teenan nleges ale fimò i too blat nimò. Na léan teen i satu to di dad ton Hibru too fatduk i to Idyif kel di kfatin.

Éksodus 3:17

Too ale maflayam, taman ani i fakanggu dale, falwàgu ale mdà di kaglifanla di Idyif. Na nebegu ale di banwe nun too mabù tanà, ditù di banwe nanè i dad to Kanaan, dad to Hiti, dad to Amori, dad to Férisi, dad to Hibiti, na dad to Dyébusi.”

Éksodus 3:8

Taman fdanà agu salu dini, du falwàgu ale di falel i dad to Idyif, na mebe dale ditù di satu too fye na too mabal tanà. Nebegu ale di banwe nun too mabù tanà. Di bang ani i banwe ani nanè i dad to di Kanaan, dad to Hiti, dad to Amori, dad to Férisi, dad to Hibiti, na dad to Dyébusi.

Éksodus 32:11

Kabay too fakdo Mosis di Dwata i Amu, i Dwatan, manan, “E, Amugu Dwata, tabyà, nangam fdinè i kaflabeam di dad tom i tafalwaam mdà di Idyif, fagu di bong enegam na di bong gnaganam.

Éksodus 6:2

Fadlug Dwata talù di ku Mosis, manan, “Agu sa Dwata i Amu.

Éksodus 6:8

Na nebeta gamu di tanà i toogu fakang blé ku Abraham, Isaak, na Dyékob. Hae, blégu di gamu kadang, du fye nfunyu. Agu sa Dwata i Amu.’ Ani tulenam kadang di dad bel Israél.”

Éksodus 7:4

knean laan flinge ge. Kafnge én, toogu fanlayam i dad to Idyif, na agu sa falwà i dad togu dad bel Israél di banwe Idyif, fagu i dad flayamgu di dad to Idyif.

Éksodus 7:5

Na di kaflayamgu i dad to Idyif, na di kebegu i dad bel Israél lamwà di banwela, gadèla agu sa Dwata i Amu.” Én man Dwata.

Dad Nimò 13:17

I Dwata fnangamfù i dad bel Israél, kenen sa malék i dad gutambulito. Na banlén ale kafye klola mnè di banwe Idyif. Na fagu di bong kaltulusan neben ale lamwà mdà di Idyif.