Éksodus 4:18 - Blaan Sarangani

¹⁸ Na mulê Mosis di tewen Dyétro, na mbal di kenen, manan, “Ku fakay di ge, beg agu samfulê di dad togu di Idyif, du neyegu ku nun mto fa.” Na tmimel Dyétro, manan, “Hae, fakay sa, na Dwata mifat ge.”

Éksodus 4:18 Iomraidhean Croise

Dyénésis 45:3

Na man Dyosif di dad flanekan, “Agu sa Dyosif i flanekyu! Too glut kè mto fa Mà?” Kabay di kaklinge i dad flanekan ani, làla gtimel Dyosif, du too sasè klikòla.

Éksodus 2:21

Na tamnè Mosis di safédla. Na blé Dyétro i tingaan dnagit ku Sifora, du nimoan yaan Mosis.

Éksodus 3:1

Na satu duh, klo Mosis mifat i dad bilibili, na dad kambing i tewen Dyétro, i satu bà di Dwata di banwe Midyan, neben i dad lmanaf di faltù di banwe gulandè to, na kel ditù di bulul Sinay, dnagit bulul Dwata.

I Fye Tulen gablà ku Dyisas Krayst i Sulat Luk 7:50

Kabay lêman talù Dyisas di libun, manan, “Galwà ge di dad salaam mdà di kafaglutam di deg. Mulê ge nan, na i ktanak nawa mnè di ge.”

Dad Nimò 15:36

Na kubu file duh, na man Fol ku Barnabas, “Mdà ite, nlauyta dad flanekta di kafaglut di kdee banwe gutamdòta i tnalù Amuta Dyisas. Neyeta ku tan i kagkahla sadni.”

Dad Nimò 16:36

Taman fgadè i to gal mantay di bilanggù di dale Fol, manan fakay ale lamwà nan, du man kun i dad to mukum. Na manan fa, “Mulê gamu na i ktanak nawa mnè di gamu.”

1 Timoti 6:1

Fye ku i kdee dad fasak faglut, mafè i dad amula, du fye landè gafalmo dengeg dagit Dwata na i tdòta gablà ku Krayst.