Éksodus 33:5 - Blaan Sarangani

⁵ Hae, ani nimòla du tagman Dwata ku Mosis, manan, “Tnulenam i dad bel Israél ani, là agu magin dale, du ku magin agu, balù là mlo alò, ken sdulêgu ale falmo, du too mgal i ulula. Taman toola nwè i dad kasla di lawehla, na kafngen, neyegu ku tan i kibògu mukum dale.”

Éksodus 33:5 Iomraidhean Croise

Dyénésis 18:21

Taman salu agu ditù, du neyegu ku glut i kaklingegu ku là.”

Dyénésis 22:12

Man i kasaligan, “Nangam fanles fnati i tingaam. Ani nan, gadègu too sikof i kimenam Dwata, du balù fa Isaak i sen tingaam di ku Sara, fanam blé di deg.”

Salmo 139:23

E Dwata, toom neye i nawagu ani, du fye toom agu gadè; tnandakam agu, fye gadeam i kdee mnè di fandamgu.

Éksodus 32:9

“Na gadègu too mgal ulu i dad to ani.

Éksodus 33:6

Taman di kdàla di bulul Sinay, talà lamsak i kas i dad bel Israél.

Dad Nimò 7:51

Na fadlug talù Stifan, manan, “Tay, too mgal sa uluyu, du làyu fkah di nawayu i man Dwata di gamu, na là gamu flinge kenen. Salngad gamu i dad gutambulyu, du galyu knang i Mtiu Tulus Dwata.