Éksodus 32:17 - Blaan Sarangani

¹⁷ Na di kasol Mosis na Dyaswa di bulul, linge Dyaswa i ugak i dad to, na manan ku Mosis, “Lingegu i uni ditù salngad i uni nun kasfati.”

Éksodus 32:17 Iomraidhean Croise

Salmo 47:1

Gamu dad to di kdee banwe, samdafì gamu falel di klehewyu! Mkit gamu dmayen Dwata.

Éksodus 17:9

Taman man Mosis ku Dyaswa, “Malék ge dademe di dad toito ani, na fayah natudyu i dad to Amalék. Na fayah tadag agu di tah i bulul, na nagotgu i tugad blé Amugu Dwata dagu.”

Éksodus 24:13

Taman fatlagad Mosis na i saligan Dyaswa, na mdà ale, na mnagad Mosis di bulul Dwata.

Éksodus 32:16

Alò Dwata sa mimò i dad batu ani, na i sulat déén, kenen sa smulat dun.

Éksodus 32:18

Kabay tmimel Mosis, “I lingegu ise uni mdà di klehew i katu di kasfati, na ise uni mdà di klidù i kagfisan di kasfati, bay i uni lingegu i uni di klingag.”

Éksodus 32:6

Na too flafus di tmadol duh, nun dad lmanaf dsùla na snakufla, na nun dademe dad lmanaf bléla du dsùla, du ani ilè masasatu ale di Dwata. Na kafnge ani, kmaan ale na minum, na mimò ale i knayè i lawehla.