Éksodus 3:15 - Blaan Sarangani

¹⁵ “Manam di dad bel Israél, Dwata i Amu, i Dwata fnangamfù dad gutambulla Abraham, Isaak, na Dyékob, i mdek ge di dale. Ani i dagitgu kel di atuan landè sen. Ani i dagit là glifet i kdee dad fulé bel i dad to.

Éksodus 3:15 Iomraidhean Croise

Dyénésis 24:12

Na dmasal kenen, manan, “E, Dwata i Amu, Dwata i amugu Abraham, tnabengam agu, na tabyà dnohoam i fakangam di amugu Abraham, na fitem kenen i kakdom landè kgilin.

Salmo 72:17

Nang moon nlifet i dagit i harì kel di landè sen, i kdengegan too fadlug klo i nun duh. Mdà di kenen mablé kdee dad to kafye, na dad to di kdee sahal banwe dmayen kenen!

Salmo 72:19

Magdayen i kdatah dagitan kel di landè sen, na i kdee to di klamang banwe dmilè moon i kbong kdatahan. Amén! Amén!

Éksodus 15:2

Dwata i Amu, i gumlingaggu na gumdà i galgu. Kenen i falwà deg di dad to dmuen deg. Kenen i Dwatagu, taman, dnayengu kenen. Kenen i Dwata fnangamfù dad gutambulgu, taman, dnayengu i kdatahan.

Éksodus 15:3

Dwata i Amu, too fulung di kasfati, Dwata i Amu i dagitan.

Éksodus 3:13

Man Mosis, “Ku salu agu di dad bel Israél na mangu dale, i Dwata fnangamfù dad gutambulla i mdek deg di dale, na ku smalek ale deg, manla, ‘Simto kè i dagitan?’, na tan sa i timelgu dale?”

Éksodus 3:6

Agu sa Dwata, i Dwata fnangamfù dad gutambulam, i Dwata Abraham, Isaak, na Dyékob.” Di kaklinge Mosis ani, snafangan i bawehan, du likò meye di Dwata.

Éksodus 4:1

Kabay tmimel Mosis, manan, “Kaflingengu dun, ku i dad bel Israél là faglut dagu, demen là flinge i mangu dale, na balingla man, ‘E, là lmen Dwata msut di ge.’ Ku ani manla tan sa i kibògu?”

Éksodus 4:5

Na taman man Dwata, “Nimoam kadang i gamtikeng ani, fye fnaglutla Dwata i Amu, i Dwata fnangamfù dad gutambulla Abraham, Isaak, na Dyékob, tatoo msut di ge.”

Éksodus 6:2

Fadlug Dwata talù di ku Mosis, manan, “Agu sa Dwata i Amu.

Dad Fngewe 18:10

Dwata salngad i bong mgal gumnè i gal gumila i dad to matlu, du fye giwas ale di sasè.

Matyu 22:32

Manan, ‘Agu i Dwata fnangamfù Abraham, Isaak, na Dyékob.’ I gman Dwata ani i satu gugmadeito balù tamati ale Abraham mto ale lêman, du Dwata i Dwata fnangamfù i dad to mto, ise dad to mati.”

Dad Nimò 3:13

Kabay i Dwata gumangamfù Abraham, Isaak, na Dyékob, i Dwata dad gutambulito, tafdatahan i Saligan i To Mgalékan, dunan Dyisas. Kabay Dyisas ani balingyu sa blé di falel i dad ganlal, na fiteyu i knangyu kenen di muna Filat, balù fanan ftaku kenen.

Dad Nimò 7:32

‘Agu sa i Dwata fnangamfù i dad gutambulam, dunan Abraham, Isaak, na Dyékob.’ Na baling kankal Mosis di klikoan, taman laan neye dun.

Hibru 11:16

Kabay i fanngaballa i banwe mdatah fa di banwe tagakla, dunan banwe di langit. Na taman Dwata là myà di kmanla kenen Dwatala, du tatnagaan ale banwe gufnean dale.

Hibru 13:8

Du Dyisas Krayst knean i knean, laan mgili mdà fa di muna, kel i ani, na kel di atuan landè sen.