Éksodus 24:4 - Blaan Sarangani

⁴ Na sulat Mosis i kdee gman Dwata i Amu. Na di too flafus di gamtadol duh, nimoan i gudamsù di gugdak i bulul, na ftadagan sfalò lwe batu déén, du gufaldam i sfalò lwe malay gumbel i dad bel Israél.

Éksodus 24:4 Iomraidhean Croise

Dyénésis 12:7

Na déén gumsut Dwata i Amu di ku Abram, na manan di kenen, “Ani i tanà blégu kadang di dad belam.” Taman déén gumimò Abram i gudamsù i dad lmanaf, du blé di Dwata i msut di kenen.

Dyénésis 28:18

Na di kaflafusan, too flafus mték Dyékob na nwean i batu gutamdananan na fdakan du nimoan gufaldam i gnagun ani. Na kafnge én nkokan fngalo, du ilè ani i gumangamfù di Dwata.

Dyénésis 28:22

Na i batu fdakgu gine du nimògu gufaldam i gnagugu ani, nimògu kadang gumangamfù di ge, na blégu di ge satu duh kadang i gasfalò i kdee di dad gablém deg.” Kafnge én, fadlug Dyékob salu ditù di gumnè i faan, di banwe Haran. Na di banwe ani, toon mlo mimò déén. Klon mnè déén nun fat yaanan, én lwe dad ngà i faan, dnagit ku Liya na Rakél. Kafnge én, dee dad ngaan, na too dee nfunan. Kakubu i lwe falò fali i klon di Haran, man Dwata di ku Dyékob, “Samfulê ge di ge banwe Kanaan, na samnagin agu ge.” Taman mdà Dyékob, na i magin kenen i dad yaanan, i dad ngaan, i dad saligan, na i kdee dad lmanafan, na nebela fa i dademe dad nfunan.

Éksodus 17:14

Kafnge én, man Dwata i Amu di ku Mosis, “Sulatam gablà di katuyu ani, du fye i ktabenggu gamu gafaldam i dad bel Israél. Na tnulenam Dyaswa, di satu duh falmogu i kdee dad to Amalék.”

Éksodus 17:15

Kaklinge Mosis i gman Dwata, fdakan i satu gudamsù di Dwata, na dnagitan i gudamsù ani, Dwata i Amu i gumdà i katumi.

Éksodus 24:7

Kafnge én, nwean i gugsulat i dad flalò Dwata dale, na bnasan di dad to. Na di kaklingela dun, manla, “Nimenmi Amumi Dwata na nimòmi i kdee flaloan gami.”

Éksodus 34:27

Na di kafnge ktulen Dwata i Amu i kdee kayean tulen, manan fa di ku Mosis, “Sulatam i dad gmangu di ge, du ani gine i fakanggu di ge na di dad bel Israél. Na ku nimenyu i dad gmangu, toogu dnohò i fakanggu ge, na i dad bel Israél.”

I Fye Tulen gablà ku Dyisas Krayst i Sulat Luk 22:30

du fye kmaan gamu na minum gamu di safédgu kadang di kagotgu, na sudeng gamu di gusudeng i dad ganlal du nukumyu dad bel i sfalò lwe dad ngà Israél.”

Galasya 2:9

Na Dyém, Fiter, na Dyan, i manla dad ulu i dademe déén, dnilèla dek agu Dwata mimò i nimò ani, taman dnawatla gami Barnabas i dademela di nimò Dwata. Sasatu i nawami gablà di nimòmi, dunan gami tamdò di lam i dad to ise Dyu, na ale tamdò di lam i dad to Dyu.

Tafite 21:14

Nun sfalò lwe malbang batu gugafdak i bong labat ani. Na tagsulat di dad batu ani dagit i sfalò lwe dad to dek i Tingà Bilibili.