Éksodus 20:17 - Blaan Sarangani

¹⁷ Nang gamu mibal knun i dademeyu to, na nang gamu mibal i yaanan, i dad lifanan, i dad lmanafan, na balù tan i nfunan.” Én i dad flalò blé Dwata di dad to fagu di ku Mosis.

Éksodus 20:17 Iomraidhean Croise

Dyénésis 14:23

Makang agu ge, landè balù tan i ge nfun, i làgu fulê di ge, balù fa i tukay sinulib ku demen ikat i lafin bliam, du fye laam fakay man kadang agu mbaling to nun du mdà di ge.

Dyénésis 3:6

Kafnge én, di kite i libun i bunge i kayu én too gablà knaan, na too fye bawehan, na fandaman fye ku mbaling kenen fulung faldam, taman nlifoan bunge i kayu én na knaanan. Na blén i dademe di yaanan, na knaanan.

Salmo 10:3

Hae, du i dad to mimò sasè dagla i dad sasè knayè mnè di lam nawala, na i dad to lom i knun, mnang nawa na knagolla Dwata.

Dad Fngewe 4:23

Toom neye ku tan fandam i nawam, du ku tan i mnè di nawam, én nimoam.

Dad Fngewe 6:29

Salngad gukelam ku nlafaam i yaanam, du balù simto mimò ani, là fakay ku là maflayam.

Matyu 20:15

Man, landè kè kaglutgu magot i filakgu? Ken mingà nawayu du too agu mayè mlé.’

Matyu 5:28

Kabay ani mangu di gamu, balù simto to meye di satu libun ise yaanan na nibalan tagamsalà kenen du tanlafaan yaanan di fandaman.

I Fye Tulen gablà ku Dyisas Krayst i Sulat Luk 12:15

Na man Dyisas di kdee dad to déén, manan, “Too gamu fgeye du fye landè klom nawayu. I klawil na kafye nawa satu to, ise mdà di kalbong knunan.”

I Fye Tulen gablà ku Dyisas Krayst i Sulat Luk 16:14

Na mlinge i dad Farisi i kdee man Dyisas ani, taman snilola kenen, du too bong nawala filak.

Dad Nimò 20:33

Làgu lmen mibal i filakyu, i blawenyu, na ku demen i klawehyu.

Dad Nimò 5:4

Du di laam fa fabli i tanàyu, gamu sa fa mfun dun. Na di takfablim, i filak gweam ge sa fa mfun dun, na balù tan i kayeam kibò dun fakay sa. Na du glut ani, tan sa i gumdaam mimò ani? Ise ku i dademem dad to i tnulenam kéng, bay Dwata.”

Roma 13:9

Du nun gman di flalò, manan, “Nang gamu mlafà i yaanyu, nang gamu manò, nang gamu tmaku, na nang gamu mibal i knun i demeyu to.” Na dad flalò én, na kdee dademe gakuf di satu flalò, manan, “Kandoyu i demeyu to salngad i kakdoyu i ktoyu.”

Roma 7:7

Ku gambet én, tan i fandamyu? I flalò ani gumdà kè dad sasè nimò. Là sa! Kabay tdò i flalò i gugsalàgu, du ku là fnang i flalò i kibalgu i knun i demegu to, làgu gadè sasè i kibalgu.

1 Korintu 6:10

i dad to tmaku, i dad to mibal i knun i demela to, i dad to flangal, i dad to madoy i dad demela to, na dad to mlangong. I kdee dad to ani là gfusuk di banwe Dwata.

Ifisus 5:3

Na du gamu dad to Dwata, nang gamu mimen balù tan i sasè knayè i lawehyu, na nang gamu talù ku demen faldam gablà di dad sasè knayè ani, ku demen ftatekyu i demeyu to di salà, du ani là gablà nimò i dad to Dwata.

Ifisus 5:5

Du i kaglutan, là sa gakuf di kagot Dyisas Krayst na Dwata i dad to mimò sasè knayè i lawehla, i dad to too faldam i sasè knayèla, na dad to lom i knun, du i knayèla ani, én mbaling gumangamfùla.

Filifos 3:19

I dad to salngad ani gine, én gusalula di lanaw lifoh di kaflayam landè gusenan, du i dwatala dunan i sasè knayè i lawehla, na balingla dag i dad nimò gumyàla, na alò mnè di fandamla i knèla di tah tanà.

Kolosas 3:5

Taman dad flanekgu faglut, tooyu tnagak i sasè knayèyu di muna, dunan i kdee sasè knayè i lawehyu, i dad nimò magagsik, i dad sasè nibalyu, i kdee sasè ayèyu, na lom i knun, du i to lom i knun, én mgimoan dwata fnangamfuan.

Hibru 13:5

Na nang gamu mbong nawa filak, na ku tan i gununyu dnawatyu, du gman Dwata sa di gito, manan, “Là tlag i ktabengta gamu, na làta gamu sa tnagak.”