Éksodus 17:2 - Blaan Sarangani

² Taman nugakla ku Mosis, na manla, “Banlém gami yéél.” Tmimel Mosis, manan, “Kan kè ku sanbulawyu agu? Kan kè ku tnilewyu Dwata i Amu? Neyeyu kè ku fantahaan nawan di gamu?”

Éksodus 17:2 Iomraidhean Croise

Salmo 95:8

manan, “Nangyu fgal i uluyu salngad di mgimò i dad to gutambulyu ditù di Mériba, na salngad di mgimòla di klola ditù di banwe gulandè to di Masah.

Salmo 95:9

Ditù tnandakla agu, neyela ku tan kaftahàgu i nawagu di landè ksaligla di deg, blaam tateenla i fye mgimògu di dale.

Éksodus 15:24

Taman, nugak i dad to Mosis, na snalekla, “Na, tan sa i ninumito?”

Éksodus 16:8

Lêman talù Mosis, manan, “Dwata i Amu, mlé gamu kadang uten di kifu, na di flafus banlén gamu sbung knaan too gablà di klidùyu. Hae, du talingen i ugakyu kenen. Hae, mugak gamu gablà di kenen, ise gami nugakyu.”

Éksodus 17:7

Na di sablà i gufimò Dwata ku Mosis ani, dnagitla Masah na Mériba, du i dad bel Israél nugakla Mosis, na du tnilewla Dwata i Amu, di kasbulawla gablà di kenen, du man i dademe samnagin Dwata i Amu dale, na dademe manla là.

Éksodus 5:21

Na manla di dale Mosis, manla, “Teen sa i Dwata i Amu, i mgimòyu ani, na fanlayaman gamu. Hae, du mdà di gamu i duen i harì na i dad ganlalan too knangla gami. Na fagu di nimòyu ani banléyu ale dalanla mati gami.”

Matyu 4:7

Kabay tmimel Dyisas, manan, “Nun lê gsulat di Tnalù Dwata, manan, ‘Nangam tnilew Amum Dwata.’ ”

I Fye Tulen gablà ku Dyisas Krayst i Sulat Luk 15:12

Na man i twali di maan, ‘E Mà, blém deg nan deg alel di knunam.’ Taman nalelan i knunan di lwe dad ngaan.

I Fye Tulen gablà ku Dyisas Krayst i Sulat Luk 4:12

Na tmimel Dyisas, manan, “Kabay nun fa gman di Tnalù Dwata, ‘Nangam tnilew i Amum Dwata.’ ”

Dad Nimò 15:10

Taman kan ku dnuenyu i knayè Dwata na faflabèyu kenen fagu di kaflalòyu i dad to ise Dyu i kdee dad flalò? Kayèyu kè ku nlegesyu dad to ise Dyu mebe i là gagan nebe i dad gutambulito, na balù gito ani laito sa gmagan mebe dun.

Dad Nimò 5:9

Taman man Fiter di kenen, manan, “Kan ku sansatuyu i nawayu du fye tnilewyu i Tulus Dwata? Neyem, i dad lagi lambang i yaanam gine tadéén di takab ani, du lêla ge santiang.”

1 Korintu 10:9

Nangito tnilew Dwata, du én nimò i dad gutambulito, fadlug ale mimò sasè, na neyela ku fanlayam ale Dwata. Na fanlayaman ale du fakétan ale i ulad na mati ale.

Hibru 3:9

Du gman Dwata manan, “Klo fat falò fali balù tateen dad gutambulyu dee too fye mgimògu di dale, knean tnilewla agu, du neyela ku tan kaftahàgu i nawagu di landè ksaligla deg.