Éksodus 16:4 - Blaan Sarangani

⁴ Kaklinge Dwata i Amu i gman i dad bel Israél, manan di ku Mosis, “Fulengu di gamu sbung knaan mdà di langit. Na klit i du santifun i dad to i knaan blégu, gablà alò knaanla di du én. Ani i kfagugu tmilew dale, du neyegu ku dnohòla i gmangu dale.

Éksodus 16:4 Iomraidhean Croise

Salmo 105:40

Mni ale, na fneben ale anuk di bnas, na banlén ale knaan mdà di langit dnagit mana du fabsol dale.

Éksodus 15:25

Di kaklinge Mosis i ugakla, too kenen fakdo mni tabeng di Dwata i Amu, na fiten di kenen i kayu lbatù. Nwè Mosis kayu én, na batan ditù di yéél, na i yéél talaan nan féét. Klola mnè déén, banlé ale Dwata i Amu dad flalò gablà di knèla, na tnilewan i ksaligla di kenen.

Éksodus 16:15

Na di kite i dad bel Israél i dad too mngifi bukay ani, làla gadè ku tan ani. Taman, sasalek ale, manla, “Tan ani dé?” Na tmimel Mosis dale, manan, “Ani i sbung knaan blé Dwata i Amu di gamu.”

Dad Fngewe 30:8

Satu, tnabengam agu du fye là agu tmulen kakakéng, na i galwen, nangam blé di deg bong knun, na ku demen faloham di deg i klandè, tiam blé deg i gablà knaan di klit i duh,

Matyu 6:11

Blém gami gablà knaanmi di duh ani.

I Fye Tulen gablà ku Dyisas Krayst i Sulat Luk 11:3

Blém di gami i gablà knaanmi di kat duh.

1 Korintu 10:3

Na kdeela kmaan i knaan blé Dwata di dale.