Éksodus 15:2 - Blaan Sarangani

² Dwata i Amu, i gumlingaggu na gumdà i galgu. Kenen i falwà deg di dad to dmuen deg. Kenen i Dwatagu, taman, dnayengu kenen. Kenen i Dwata fnangamfù dad gutambulgu, taman, dnayengu i kdatahan.

Éksodus 15:2 Iomraidhean Croise

Dyénésis 17:7

Toogu dnohò i fakanggu di ge ani, na kel di dad belam kel di landè sen. Agu Dwatam na Dwata i dad belam di fulé duh.

Salmo 118:14

I Amugu Dwata mlé deg eneg na gal; na kenen i falwà deg.

Salmo 118:21

Mlé agu bong fye di ge, Amugu Dwata, du tatnimelam agu, na fatum agu.

Salmo 118:28

Ge i Dwatagu na mlé agu fye di ge; ge i Dwatagu na tulengu di kdee to i bong kdataham.

Salmo 132:5

kel di kitegu tanun gumnè Amugu Dwata, i gumnè i Too Mtulus Dwata gusmalig i gutambulmi Dyékob.” Én fakang Dabid.

Salmo 22:10

Alò ge i gusmaliggu mdà di ksutgu kel ani, na landè dademe dwatagu, alò ge.

Salmo 22:3

Kabay knean too ge mtiu, landè salaam. Déén ge di gumneam too mdatah, na ge i dnayen i dad tom, i bel Israél.

Salmo 27:1

Amugu Dwata i gumdà nawagu, na kenen i falwà deg mdà di kdee sasè, taman là agu likò. I Amugu Dwata i too kamlung deg, taman simto dé kanlikògu? Landè!

Salmo 34:3

Magin gamu deg di kafdatahgu i Amuito Dwata; sasatu ito dmayen i dagitan.

Éksodus 14:13

Kabay man Mosis di dad to, “Nang gamu likò. Nang gamu mila, bay fanak gamu, na teenyu kadang di duh ani, i nimò Dwata i Amu, du falwaan gamu di falel i dad to Idyif. I dad to Idyif i teenyu ani, kadang talàyu ale lêman teen.

Éksodus 3:6

Agu sa Dwata, i Dwata fnangamfù dad gutambulam, i Dwata Abraham, Isaak, na Dyékob.” Di kaklinge Mosis ani, snafangan i bawehan, du likò meye di Dwata.

Éksodus 4:22

Kafnge én, manam ku Faraon, ‘Agu Dwata i Amu, mangu, tamgalékgu i dad bel Israél mbaling dad togu, na mabtas ale di deg, salngad i kabtas i tingà lagi sangal twege.

Éksodus 40:34

Di kafngela mimò i gumangamfù di Dwata galla gustifun, maglimun labun i gumangamfù ani, na di lam too fnò i bong kneng Dwata i Amu.

Éksodus 6:7

Dnawatgu gamu i too dad togu, na deg sa i Dwata fnangamfùyu. Na gadèyu kadang deg sa Dwata i Amu, i Dwata tooyu fnangamfù, di kafalwàgu gamu di kaglifanyu di dad to Idyif.

I Fye Tulen gablà ku Dyisas Krayst i Sulat Luk 1:77

du fgadeam i dad ton nun kagalwà, fagu di klifet Dwata i salàla,

I Fye Tulen gablà ku Dyisas Krayst i Sulat Luk 2:30

du tateen nan i matagu i kagalwà tagaan di kite i kdee dad to.

Dyan 4:22

Na gamu dad to di Samériya là gamu gmadè i fnangamfùyu, bay gami dad Dyu gadèmi du i gumdà i kagalwà dad to, dunan di dad Dyu.

Dyan 5:23

du fye i kdee dad to mafè deg salngad i kafèla i Màgu. Na ku simto là mafè deg, na laan nafè Màgu i mdek deg.

Dad Nimò 4:12

Du i kagalwà di kukum Dwata fagu sa alò di ku Dyisas. Du landè dademe dagit di tah tanà gablé di dad to i gafalwà gito.”

2 Korintu 5:19

Taman ani i tdòmi, dunan fagu di ku Krayst Dyisas, smafye Dwata i dad to di kenen, na nlifetan i dad salàla. Na snaligan gami mebe i Fye Tulen ani di dad to.

Ifisus 2:22

Taman gamu dad ise Dyu, fagu di ksasatuyu ku Krayst Dyisas, gakuf gamu di gumnè Dwata, fagu di Mtiu Tulusan.

Filifos 2:11

Na i kdeela tmulen na Dyisas Krayst i too glut Amu, du fye too magdayen Maito Dwata.

Filifos 4:13

Du balù tan i mkel di deg di kdee dad gnagugu, gmagan agu dmawat dun, du Krayst Dyisas i tamgal deg.

Kolosas 2:9

Du i kaglutan, balù mbaling to Krayst, i kdee di Dwata mnè di kenen.

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Tafite 19:1

Na kafnge én, lêmangu linge i talù gambet talù i bong dee dad to stifun déén di langit, mkit ale, manla, “Dnayenito Dwata. Dnayenito kenen i falwà gito, too mdatah kenen, na too mtulus di kdee.