Éksodus 15:1 - Blaan Sarangani

¹ Kafnge én, mlingag Mosis na i dad bel Israél, i kdayenla Dwata i Amu. Na ani i lingagla, manla, “Mlingag agu di Dwata i Amu, du mdatah kenen na fagu di bong gnaganan too kenen matu. Du i dad kudà na i dad snakay, tatian ale bat di lam i mahin.

Éksodus 15:1 Iomraidhean Croise

Salmo 105:43

Ani i kagkah keben i dad ton, i dad mgalékan, lamwà di banwe Idyif; na too ale mkit na mlingag di klehewla.

Salmo 107:15

Taman fye ku mlé ale bong fye di Amuito Dwata mdà di kakdon landè kgilin, na mdà di kafye mgimoan di dale,

Salmo 107:8

Taman fye ku too ale mlé bong fye di Amuito Dwata mdà di kakdon landè kgilin, na mdà di kafye mgimoan di dad to,

Salmo 32:7

E Dwata, ge i gusalbunigu; ge i smafang deg di dad sasè, taman too agu mlingag i kafalwaam deg mdà di salà.

Éksodus 14:26

Kafnge én, man Dwata i Amu di ku Mosis, “Lêmanam tayal i sigalam di tah i mahin, du fye masasulê i mahin na maglimun i dad to Idyif, na i dad snakayla, na i dad to smakay i dad kudà.”

Éksodus 14:27

Taman tayal Mosis i sigalan di tah i mahin, na di kakwalan masasulê i mahin di tagnè kagkahan. Tilew i dad to Idyif mila di mahin, bay baling ale bat Dwata i Amu di mahin, na mlimas ale.

Éksodus 15:21

Na mlingag Miriam di dale na ani i lingagan, manan, “Mlingag ito di Dwata i Amu, du mdatah kenen, na fagu di bong gnaganan, too kenen matu. Hae, du i dad kudà na i dad snakay mdà di Idyif tatian ale bat di lam i mahin.”

Dad Fngewe 29:6

I to sasè, én kamfè kenen i salaan, bay i to matlu fakay mlingag na flehew.

Kolosas 2:15

Na fagu di kfati Krayst di krus, falmo Dwata glal i dad busaw na kdee dad sasè tulus, na fiten di kdee kagfisanan dale.

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.