Éksodus 1:20 - Blaan Sarangani

^20-21 Taman du i dad libun ani, gal tmabeng sut tingà, too nun klikòla na kafèla Dwata, kamdo Dwata dale na banlén ale dad ngàla. Na i dad bel Israél baling fadlug too mbel na lumban ale too dee.

Éksodus 1:20 Iomraidhean Croise

Salmo 103:11

du i kakdon dad to nun klikò di kenen, landè kgilin, na too là gagan mtas dun; salngad di kdatah i langit di tah tanà i kalbong nawan dale.

Éksodus 1:12

Kabay balù faflayam ale, knean dad bel Israél baling fadlug mbel. Taman kanlikò ale i dad to di Idyif.

Éksodus 1:19

Na tmimel ale ku Faraon, manla, “I dad libun Hibru, là salngad di dad libun Idyif. Hae, du too ale gal mgal na mlal mngà, na di là gami fa kel tasut i tingàla.”

Éksodus 1:7

Kabay i dad bel Dyékob dnagit dad bel Israél, too mbel, na mgimò ale i bong lumbuk i dad to. Na i tanà gumilila déén di Idyif, mbaling too fnò i dad bella.

Dad Fngewe 11:18

I sasè to, landè fye untungan, bay i matlu to, nun fye untung toon gdawat.

Dad Fngewe 19:17

I to kamdo i to landè, salngad ku mlé kenen di Dwata, na Dwata malas kenen.

Matyu 10:42

Na tulengu gamu i kaglutan, nun untung di fulé duh i to mlé balù alò satu basu yéél tno di satu mdanà to du kenen satu to mlalò deg.”

Matyu 25:40

“Na agu, i Harì, tmimel agu, mangu, ‘Tulengu gamu i kaglutan, ku tan i nimòyu di satu flanekgu balù ku too mdanà to, salngad ku di deg i gumimòyu dun.’

I Fye Tulen gablà ku Dyisas Krayst i Sulat Luk 1:50

Fiten i kakdon di kdee dad to nun klikò di kenen, fandà di muna dad to, kel di kdee tugad i bella.

Hibru 6:10

Na Dwata too matlu, na taman toogu fnaglut na laan glifet i kdee fye mgimòyu, na i kalbong nawayu kenen fagu di tooyu ktabeng i dad demeyu faglut mdà fa di muna na kel i ani.