Dyém 3:5 - Blaan Sarangani

⁵ Salngad én dilaito, du balù too tukay, bay knean, too fulung fdag gablà di bong gnaganan. Fandamyu ku tan i kabal gusakuf i dlag mdà alò di tukay dinè lifoh.

Dyém 3:5 Iomraidhean Croise

Salmo 10:3

Hae, du i dad to mimò sasè dagla i dad sasè knayè mnè di lam nawala, na i dad to lom i knun, mnang nawa na knagolla Dwata.

Éksodus 15:9

Na fdag i dad to dmuen gami du manla, ‘E, tnafikmi ale, na kanfèmi ale kadang Na sansalelmi i dad knunla, na i kalbong knayèmi nwè, nwèmi. Nsòmi fais di lumàmi, du nwèmi i kdee nfunla.’ Én i kafdag i dad to dmuen gami.

Éksodus 5:2

Na tmimel i harì, manan, “Simto kè Dwata i Amu manyu ani? Na kan ku nimengu kenen na falohgu i dad bel Israél salu ditù? Làgu dilè Dwata i Amu, na toogu là faloh i dad bel Israél fsalu ditù.”

Dad Fngewe 12:18

I to i là funa fandam i manan gamban salngad i kagban i fais, bay i to fulung faldam, i manan salngad i bulung du gafgulê.

Dad Fngewe 15:2

Ku nun man i to fulung faldam, too kayè i dademe ganbet, bay ku nun man i to là fulung faldam, landè gukmamu dun.

Dad Fngewe 18:21

I dad gman i satu to, én gafalwà i kton ku demen gafalmo i kton, taman là fakay ku laan tnimel ku tan gukel i dad manan.

Dad Fngewe 26:20

Landè gugadlug kdinè i lifoh ku landè dutungan, salngad i ksugak landè gugadlugan ku landè kalsalék.

Dyém 3:4

ku demen fandamyu i bong kafal di mahin, du balù too malbang na gal sansebe i mgal nus, knean fagu di tukay ulinan, gagan i to mebe dun, balù nè kayean gufsalu.

2 Fiter 2:18

Na i manla slame fdatah i ktola fagu di katdòla i tdò landè gukmamu dun. Na dad to falami galwà mdà di dademe mnè fa di salà, fangawla fagu di dad sasè knayè lawehla.

Dyud 1:16

Dad to én, gal ale mugak na banléla salà i dad demela to, lalòla i sasè knayèla, fdagla i ktola, na dnayenla dademe to, fye gwèla i knayèla.