Dyém 2:6 - Blaan Sarangani

⁶ Kabay gamu, balingyu too fdanà i dad to landè. Ise kè dad to i bong knun i too mkut gamu? Glut sa! Na ale fa i dmalam gamu di muna i dad to mukum.

Dyém 2:6 Iomraidhean Croise

Salmo 10:10

Na tatì fisan i mdanà to di bong gal i to kamfè kenen, na tatì gsudeng na fles fugen mdà di kafatdukan kenen.

Salmo 10:14

Mite ge sa, Dwata. Teenam sa i klidù na kaflayam dad to mdanà, na fanlayamam i dad mlayam dale. Ge i gusmalig i dad mdanà to, hae, du too ge mayè tmabeng i dad to landè kibòla tmabeng i ktola.

Salmo 10:2

Mdà di bong kafdatahla, too labè i dad to sasè mlayam i dad to landè; fye moon ku mfawel ale fagu di kibòla mawel i dademe to.

Salmo 10:8

Na salbuni kenen mdadong di dad malnak banwe du gutmagaan dad to, na fnatin i dad to landè salà ditù di gulandè to mite dun; mdà di gusalbunin neyen ku nun mdanà to gaganan kanfè.

Salmo 12:5

Na man i Amuito Dwata, “I dad to landè too bankut na fanlayam i dademela to, taman là fakay ku làgu blé di dale i tabeng kayèla, na là fakay ku làgu ale falwà di agot i dad to mlayam dale.”

Salmo 14:6

Kayèla snamuk i fan nimò dad to landè, bay Dwata sa guflidung i dad mdanà to.

Dad Fngewe 14:31

Ku bankutam i to landè, knangam Dwata i mimò kenen, bay ku tnabengam i to landè, mafè ge Dwata.

Dad Fngewe 17:5

I to madoy i dad to landè, salngad nadoyan Dwata i mimò dale, na i to lehew di sasè gaslok i demen to, nun kaflayaman.

Dad Fngewe 18:23

Ku talù i to landè, too kenen fakdo talù, bay ku talù i to nun knun, too gamban i taluan.

Dad Fngewe 22:16

I to mkut i dad to landè, du fye matnù i knunan, demen mlé di dad to nun, mbaling kenen to landè.

Dad Fngewe 22:7

I to nun knun gal mebe i to landè, na i to gal mdem flifan di to gumdeman.

Dyan 8:49

Na tmimel Dyisas, manan, “Landè sa busawgu. Én nimògu fdatah i Màgu, bay fdanàyu agu.

Dad Nimò 13:50

Kabay i dad Dyu là faglut banlétla nawa i dademe mdatah dad libun ise Dyu gal mangamfù di Dwata, na dad lagi mebe i syudad. Na fanlayamla Fol na Barnabas na falwàla di banwela.

Dad Nimò 17:6

Kabay du là ale sa teen, dyolla Dyason na i dademe dad faglut di muna i dad ganlal di syudad, na falbongla i talùla, manla, “I dad to smamuk di klamang banwe, tadini nan di syudadito,

Dad Nimò 18:12

Na di bang nun gubirnador di banwe Akaya dnagit Galyu, stifun i dad Dyu là faglut du kamfè ku Fol na nebela kenen di gumukum.

Dad Nimò 8:3

Kabay i too kayè Sol falmo i dad faglut di ku Dyisas, taman snafngabalan ale di lam dad gumnèla na kanfean balù lagi na libun, na fbilangguan ale.

1 Korintu 11:22

I nimòyu ani too sasè. Tan kè duenyu là kmaan di gumnèyu? Mdà di nimòyu ani fyàyu i dad landè knun, na falmoyu i dengeg i dad to faglut. Na tan i mangu gablà di nimòyu ani? Dnayengu gamu kè? Tulengu gamu i kaglutan làgu gamu dnayen mdà di nimòyu ani.

Dyém 2:3

Na ku tooyu nafè i to bong knun, i too fye klawehan, na manyu di kenen, “Dini i too fye gusudengam,” bay i manyu di to landè, “Tatì ge tadag déén ku demen sudeng ge dini di saféd blìgu,”

Dyém 5:4

Neyeyu! Nlimbungyu i dad to faktuyu di tanàyu, du làyu banlé tadenla. Lingeyu kè i ugakla? Na i katlo i dad to faktuyu, gafat di klinge Too Mtulus Dwata i Amula.

Dyém 5:6

Balù i dad to landè salà nukumyu ale di salà, na nun dademe i là gmagan msen i ktola tafnatiyu.