Dyém 2:21 - Blaan Sarangani

²¹ Fandamyu Abraham i gutambulito. Matlu kenen di kite Dwata, di kimenan kenen di fanan kadsù tingaan Isaak.

Dyém 2:21 Iomraidhean Croise

Matyu 12:37

Du ku fye gmanyu laan gamu sa fanlayam. Bay ku sasè gmanyu fanlayaman gamu.”

Matyu 3:9

Nangyu man, ‘Balù ku là gami msal là gami gakuf di flayam blé Dwata, du gami bel Abraham.’ Tulengu gamu i kaglutan, balù mdà di dad batu ani gagan Dwata mimò bel Abraham ku kayean tamlas gamu.

I Fye Tulen gablà ku Dyisas Krayst i Sulat Luk 1:73

Makang kenen di gutambulito Abraham, na manan toon dnohò i fakangan du falwaan ito mdà di dad to dmuen gito, du fye gmagan ito mimò i knayean di landè klikoito,

I Fye Tulen gablà ku Dyisas Krayst i Sulat Luk 16:24

Na tlon Abraham, manan, ‘E Màgu Abraham, begam agu kando, na dekam Lasarus lamnab i tukè tnaloan di yéél, du fye fnatdakan i dilàgu, du fatno dun, du too sè kaflayamgu di lifoh ani.’

I Fye Tulen gablà ku Dyisas Krayst i Sulat Luk 16:30

“Na man i to én, ‘Là sa, Màgu Abraham, là gablà én! Kabay ku nun to mték mdà di fati tmulen dale, msal ale!’

Dyan 8:39

Na tnimella kenen, manla, “Abraham i màmi.” Kabay man Dyisas di dale, “Ku glut gamu dad ngà Abraham, taganbetyu moon i nimoan.

Dyan 8:53

Kayeam man ge kè mdatah fa di gutambulmi Abraham. Tamati kenen na lêman i dad tugad Dwata. Na simto ge kè?”

Dad Nimò 7:2

Na man Stifan, “E dad flanekgu na gamu dad tuagu, fanlingeyu i mangu ani. Di muna fa, Dwata i mdatah di kdee, msut di gutambulito Abraham di knean di banwe Mésofotamya, di laan fa mnè di banwe Haran,

Roma 3:20

Du landè to mbaling matlu di kite Dwata fagu di kimenan i flalò blé Dwata fagu di ku Mosis, du galan nlafà. Én gukmamu i flalò, dunan fdilean di dad to i kagsalàla du galla nlafà.

Roma 4:1

Tan i manito gablà ku Abraham i gutambulito dad Dyu?

Roma 4:12

Na Abraham lêman mà i dad to ftulì, i dad to là alò lalò Abraham di kaftulian, bay lalòla i kafaglutan di laan fa ftulì.

Roma 4:16

Taman gamdawat ito fakang Dwata, fagu alò di kafaglutito di kenen, du fye i kdawatito dun mdà di kafyen gito, ise mdà di fye nimoito. Na mdà déén, too glut kdeeito dad bel Abraham i gamdawat kadang dad fakang Dwata. Na là alò dad Dyu i gal mlalò i flalò i gamdawat i fakangan, bay balù simto faglut salngad ku Abraham, du kenen tambaling gutambul i kdee dad to faglut.

Hibru 11:17

Na gadeito i fakang Dwata di ku Abraham dunan dee kadang belan fagu di tingaan Isaak. Na di ktilew Dwata ku Abraham, fnin i tingaan du dsù di kenen. Kabay du too nun kafaglut Abraham di fakang Dwata kenen, taman tafanan fnati i tingaan, du dsuan di Dwata.

Dyém 2:18

Kabay nun mangman, “Faglut ge, bay deg fye nimògu.” Kabay ani timelgu, landè kibò i satu to fite i kafaglutan ku landè fye nimoan. Taman fitegu i kafaglutgu fagu di fye nimògu.

Dyém 2:24

Taman gadèyu i satu to mbaling matlu fagu di fye nimoan na là alò mdà di kafaglutan.