Dyan 8:11 - Blaan Sarangani

¹¹ Na tmimel i libun, manan, “Landè nan, Amu.” Na man Dyisas, “Balù agu, làta ge fanlayam. Mulê ge, na nang ge lêman mimò sasè.”

Dyan 8:11 Iomraidhean Croise

Dad Fngewe 28:13

Landè gufye i to gal muni i dad salaan, bay i to tmulen i dad salaan di Dwata na tnagakan, nlifet Dwata i salaan.

I Fye Tulen gablà ku Dyisas Krayst i Sulat Luk 13:3

Là sa! Kabay tulengu gamu, ku là gamu msal na tmagak i sasè nimòyu, mati gamu salngad dale.

I Fye Tulen gablà ku Dyisas Krayst i Sulat Luk 13:5

Là sa! Kabay tulengu gamu, ku là gamu msal na tmagak dad sasè nimòyu, mati gamu salngad dale.”

I Fye Tulen gablà ku Dyisas Krayst i Sulat Luk 15:10

Na tulengu gamu, salngad én i klehew dad kasaligan Dwata di ksal satu to gamsalà di salaan.”

I Fye Tulen gablà ku Dyisas Krayst i Sulat Luk 15:32

Kabay too mabtas ku mimò ite fista na flehew ite du gambet tamati i twalim, bay talêman mto. Gambet talana, bay ani talêmanta teen.’ ”

I Fye Tulen gablà ku Dyisas Krayst i Sulat Luk 15:7

Na tulengu gamu, salngad én di langit du bong klehew ditù mdà di satu to gamsalà msal na tmagak i salaan, di syem falò syem to matlu i landè kamula msal.”

I Fye Tulen gablà ku Dyisas Krayst i Sulat Luk 5:32

Na én duengu salu dini, ise ku i dad to tlu fanngabalgu, bay i dad to gamsalà du fye msal ale.”

I Fye Tulen gablà ku Dyisas Krayst i Sulat Luk 9:56

Na fles ale magu di satu tukay banwe.

Dyan 18:36

Na tmimel Dyisas, manan, “I kagotgu ise dini di tah tanà, du ku dini kagotgu di tah tanà sfati dad saliggu dad Dyu dmuen deg du fye là agu gakfè. Kabay i kagotgu ise mdà di tanà.”

Dyan 3:17

Du ise én duen Dwata mdek i Tingaan dini di tah tanà du mlayam i dad to, bay dekan dini du fye falwaan dad to di dad salàla.

Dyan 5:14

Kafnge én, teen Dyisas i to én déén di Bong Gumnè Dwata, na manan di kenen, “Neyem, tamgulê ge! Na nang ge lêman mimò sasè ken matnù i ksasè mkel di ge.”

Dyan 8:15

Na gamu kukum mdà alò di fandamyu, bay deg, landè to nukumgu dini.

Roma 2:4

Ken man nawayu, du too fantahà Dwata i nawan, na too mimò fye di gamu, balù làyu nimen i tnaluan. Làyu gadè too fye nimoan di gamu, du fye nsalyu na tnagakyu i dad sasè nimòyu.

1 Korintu 5:12

Du tulengu gamu, ise ani i deg nimò mukum i nimò i dad to là faglut di Dwata, du Dwata sa alò i fakay mukum dale. Kabay i dad to makuf di kastifunyu, du faglut ale di Dwata, nun gamu labet mukum dale. Du man di Tnalù Dwata, “Falwàyu i to mimò sasè, du fye là kenen dmeme gamu di galyu kastifun.”

2 Fiter 3:15

Tooyu fandam i duen Amuito too ftahà i nawan, dunan du fye dee dad to galwà, salngad tasulat i mabtas flanekito Fol di gamu fagu di kfulung blé Dwata kenen.