Dyan 7:7 - Blaan Sarangani

⁷ Là gamu knang nawa i dad to mlalò knayè i banwe, bay knangla agu nawa du fgadègu i ksasè i dad nimòla.

Dyan 7:7 Iomraidhean Croise

Dad Fngewe 15:12

I to madoy là mayè ku nun mngak kenen, na là mayè mni fngewe di to fulung faldam.

Dad Fngewe 8:36

I to là mite deg fanlayaman i kton, na i to mnang deg, bong nawan i fati.” Kdee ani gine gman kfulung.

I Fye Tulen gablà ku Dyisas Krayst i Sulat Luk 6:26

Magakdo gamu dad to gal dnayen i dad to ani, du én sa nimò i dad gutambulla di dad ise glut tugad Dwata.

Dyan 17:14

Tagablégu Tnaluam di dale, na knang ale nawa i dad dmuen ge di tah tanà, du là ale agin di knayè di tah tanà, salngad deg.

Dyan 3:19

I duen Dwata mlayam i dad to ani, du tasalu agu, i salò, dini di tah tanà, bay én balingla too knayè i kifu, na knangla i kalwa, du sasè i nimòla.

Roma 8:7

Na i to ku mgebe i sasè knayè i lawehan, mbaling kenen to dmuen Dwata, du laan nimen i flalò Dwata, na là alò ani, bay laan gagan mlalò dun.

Galasya 4:16

Na fandamyu deg kè i to dnuenyu du tatnulengu gamu i kaglut?

Dyém 4:4

Tay, gamu dad gal mlafà Dwata, làyu kè gadè ku mbong nawayu i sasè knayè i banwe, là mbong nawayu Dwata, bay balingyu kenen knang? Balù simto fabtas di nawan i kdee sasè knayè i banwe, kenen mnang Dwata.

1 Dyan 4:5

I fandam i dad to flingu salngad fandam i dademe to là faglut di Dwata. Taman alòla santulen gablà di kagkah dini di tah tanà, na i dad to là faglut too flinge dale.