Dyan 4:6 - Blaan Sarangani

⁶ Na nun sol yéél déén tanakol Dyékob di muna. Na di kaltu i duh du mlungay Dyisas magu, sudeng kenen mdadong di sol yéél én.

Dyan 4:6 Iomraidhean Croise

Matyu 27:45

Na mdà di ltu i duh mbaling kifu di klamang banwe kel di tngà masol i duh.

Matyu 4:2

Na di fat falò duh na butang là kmaan Dyisas, taman too bitil kenen.

Matyu 8:24

Na di kifalla i lanaw nkel ale i bong mgal nus di talà na maglam lwek i awengla, na fan fnò yéél. Kabay Dyisas, kudang.

I Fye Tulen gablà ku Dyisas Krayst i Sulat Luk 2:7

Na sut i tnanin tingaan, na lagi. Nlabédan safut laweh i tingaan, na began filè di gal gufkaan i dad lmanaf, du là ale sfayu di gumnè gal gumilè i dad to magu.

I Fye Tulen gablà ku Dyisas Krayst i Sulat Luk 9:58

Na man Dyisas di kenen, “I dad tuyun, nun ilib gumulêla, na dad anuk di bnas, nun fulalla, bay agu, i dnagit Tingà To, balù gumilègu, landè.”

Dyan 11:9

Na tmimel Dyisas, manan, “Fakay sa fa ku salu ito ditù du sfalò lwe uras i sduh, na ku magu i to di mduh, là sa tlaab, du malwa fa.

Dyan 4:12

Én gutambulmi Dyékob i makol i sol yéél ani. Na kenen, na dad ngaan, na dad lmanafan, kdeela minum yéél ani. Kayeam man kè mdatah ge fa di ku Dyékob?”

Dyan 4:5

Na kel kenen di satu tukay banwe glam di Samériya dnagit Sikar mdadong di tanà blé Dyékob di tingaan Dyosif.

Dyan 4:7

Là déén dad mlalò kenen du fles ale salu di tukay banwe du mayad knaanla. Na nun kel déén satu libun mdà di Samériya du smulu. Na man Dyisas di kenen, “Begam agu banlé yéél du minum agu.”

2 Korintu 8:9

Na tagadeito gablà di bong kafye Amuito Dyisas Krayst. Du balù i kdee nfunan ditù di tah langit, knean mbaling kenen to landè, duenan gito du fye fagu di mgimoan ani, mbaling ito dad to nun.

Hibru 2:17

Taman landè dademe kibò Dyisas ku laan mbaling gambet gito dad flanekan, du fye gnagun ku tan i gito gnagu, du fye mbaling kenen mdatah baito di muna Dwata i too kamdo gito, i too gsalig di nimò Dwata, du fye nlifet Dwata dad salà i dad to di kenen.

Hibru 4:15

Du i mdatah baito di Dwata, toon glabat ku tan i gumlungayito, du tanagun i kdee dad tilew i gnaguito. Kabay kenen alò i là lmen gamsalà.