Dyan 4:1 - Blaan Sarangani

¹ Na linge dad Farisi, too dee fa i dad to mlalò ku Dyisas na dee fa dad to bnunyagan di ku Dyan.

Dyan 4:1 Iomraidhean Croise

I Fye Tulen gablà ku Dyisas Krayst i Sulat Luk 1:76

Na ge, tingàgu, matlo ge kadang Tugad i Too Mdatah Dwata, du muna ge di Mdatah Amu, fye fatlagadam i dalan gumagun,

I Fye Tulen gablà ku Dyisas Krayst i Sulat Luk 19:31

Ku nun to smalek gamu, na manan, ‘Kan ku nbelyu i ikat nati én?’ ani manyu kenen, ‘Nun gukmamu i Amu dun.’ ”

I Fye Tulen gablà ku Dyisas Krayst i Sulat Luk 19:34

Na tmimel ale, manla, “Nun gukmamu i Amu dun.”

I Fye Tulen gablà ku Dyisas Krayst i Sulat Luk 2:11

Du di duh ani tasut di Bétléhém, i banwe Dabid, i To Falwà, dunan Krayst i Amuito galyu fatan.

I Fye Tulen gablà ku Dyisas Krayst i Sulat Luk 7:13

Di kite Dyisas i libun balu ani, toon kando, na manan di kenen, “Nang ge nan mngel.”

I Fye Tulen gablà ku Dyisas Krayst i Sulat Luk 7:19

Kaklinge Dyan dun, tlon lwe di dale, na dekan ale di Amuito Dyisas du fsalekan kenen, manan, “Ge kè i to dek Dwata dini i sanfatanmi, ku nun fa dademe fatanmi?”

Dyan 3:22

Kafnge kdee ani salu Dyisas na dad mlalò kenen di dad banwe glam di Dyudiya. Mnè ale ditù na munyag ale i dad to.

Dyan 3:26

Taman salu ale di ku Dyan, na manla di kenen, “Rabay, gafaldamam i demem sgalak di faltù i yéél Dyordan, i to tulenam di gami. Gal kenen munyag, na tadee dad to salu baling di kenen.”

Dad Nimò 10:36

Ani sa i fgadè di dad bel Israél, dunan i katdò i Fye Tulen gablà di kasafyeito di Dwata fagu di ku Dyisas Krayst, i Gumdatah di kdee.

1 Korintu 1:17

Du ise sa ku dek agu Krayst du fye munyag agu, bay dekan agu tmulen i Fye Tulen gablà di kenen. Na di ktulengu dun, làgu gnamit i ktalù i dad to too nun gnadè di tah tanà ani, du ken dnayen i ktalùgu, na baling landè eneg i Fye Tulen gablà di kfati Dyisas.

1 Korintu 15:47

Na i tnanin to Adam, tamgimò Dwata mdà di tanà. Kabay i dnagit galwe Adam, dunan Dyisas Krayst mahal, du mdà kenen di langit.

1 Korintu 2:8

Na i dad to mebe i dad banwe di tah tanà mdà di muna fa, làla glabat i tagnè fandam Dwata. Du ku glabatla, talàla nlansang di krus i Amuito too mdatah.

2 Korintu 4:5

Na ise gablà di kdatah ktomi i tdòmi, bay tdòmi gablà di kdatah Dyisas Krayst, du én tdòmi dunan kenen i Amuito, na gami dad saligan i tmabeng gamu du lalòmi kenen.

Dyém 2:1

Dad flanekgu, du tafaglut gamu di too mdatah Amuito Dyisas Krayst nang gamu malék to nafèyu.

Tafite 19:16

Na nun dagit gsulat di klawehan na di fuadan, manan, “Harì di kdee harì na Amu di kdee amu.”