Biblia Todo Logo
Bìoball air-loidhne

- Sanasan -




Dyan 12:40 - Blaan Sarangani

40 “Gambet tabnutè Dwata i matala, na snafangan i fandamla, du fye là ale mite, na là ale gamlabat, du ku mite ale na gamlabat ale, tmagak ale dad sasè nimòla na fangulêgu ale di dad salàla.”

Faic an caibideil Dèan lethbhreac




Dyan 12:40
44 Iomraidhean Croise  

Kabay, Amugu Dwata, kandom agu du too agu mlungay; tangalam agu, du landè galgu.


Na man Dwata i Amu di ku Mosis, “Lêman ge salu di harì. Tafgalgu i ulun na i dad ulu i dad ganlalan, du fye nun fa dad tnikeng nimògu, du fitegu di dale.


Na balù nimò Mosis na Aron i kdee tnikeng, mdà di Dwata, fgal Dwata i Amu i ulu Faraon, na laan faloh lamwà i dad bel Israél di banwen.


Fgalgu ulu i dad to di Idyif, du fye tnafikla gamu, du fye gdawatgu kadang kdayen di kite i dad to i bong gnagangu di kfisangu ku Faraon, na i dad sundalun, na i dad snakayan, na i dad to smakay i dad kudaan.


Na kadang fgalgu i ulu Faraon, du fye tnafikan gamu, du fye gdawatgu kadang kdayen di kite i dad to i bong gnagangu di kfisangu ku Faraon na i dad sundalun, na kadang gadè i dad to di Idyif, Agu Dwata i Amu.” Én gman Dwata. Taman nimen i dad bel Israél i dad dek Dwata dale, na mnè ale flo di kilil mahin.


Na tafgal Dwata i Amu, i nawa Faraon, i harì di Idyif, na tnafikla dad bel Israél, i dad to galwà di banwe Idyif.


Na Dwata i Amu, lêman talù di ku Mosis, manan, “Di kakelam di Idyif, salu ge di ku Faraon, na nimoam i kdee dad tnikeng fagu di glal i tagablégu di ge. Kabay fgalgu i ulun, du fye laan falwà i dad bel Israél.


Kabay glut i gman Dwata i Amu, du balù ani tnikeng teenan, mgal fa ulu harì, na laan fanlinge ale Mosis.


Kabay fgalgu i ulun, na balù fa ku mimò agu i dee tnikeng,


Kabay Dwata i Amu, fgal i ulu Faraon na too glut i gman Dwata di ku Mosis, du laan fa fanlinge Mosis na Aron.


Tatìyu ale fbayà, du balù ku malak ale i dademela to, salngad ale i dad to butè. Na ku i to butè malak i satu to butè, lwe ale baling tatek di sol.”


Du fye, ‘balù meye ale là ale mite, na balù flinge ale knean là ale gamlabat, du ku glabatla ken tagakla dad sasè nimòla, na nlifet Dwata dad salàla.’ ”


Hae, du balù tateenla tnikeng nimò Dyisas di fan, knean là ale gamlabat du mgal ulula.


“I Tulus Dwata mnè di deg, du tanalékan agu tmulen i Fye Tulen mdà di Dwata di dad to landè. Tadekan agu dini, du fye tmulen gablà di kagalwà i dad to gakfè, na fgulê i dad to butè, na falwà i dad to fanlayam i dademe,


Na man Dyisas, “Faglabatgu gamu i dad gbuni gablà di kagot Dwata. Kabay di dademe dad to, fagu di fléd i dad tdògu dale, du fye ‘balù ku meye ale, là ale mite, na balù ku mlinge ale, là ale gamlabat.’


Na tulen Isaya i duenla là faglut, manan,


Na man Dyisas, “I duengu salu di tanà ani du fye mukum. Nè i to là mite tnabenggu kenen fye mite i kaglutan. Kabay nè i to man nawan tagnè kenen mite fitegu kenen kadì butè.”


Na dekla ale Fol magu, na i dalanla magu dunan di banwe Fonisya na Samériya, na di kagula tulenla gablà di kafaglut i dad to ise Dyu. Na di kaklinge i dademe dad to faglut too ale lehew.


‘Salu ge ditù di dad to, na ani manyu di dale, Balù nun lingeyu bay knean landè kaglabatyu, na balù mite gamu, bay i teenyu làyu dilè.


Taman msal gamu, na samfulê gamu di Dwata, du fye nlifetan i dad salàyu,


Na ani gugmadeito Dwata alò malék ku simto i kandon, na simto i fgalan ulu, fagu di knayean.


Lean sinn:

Sanasan


Sanasan