Dyan 11:52 - Blaan Sarangani

⁵² na ise ku alò dad Dyu duenan mati, bay du fye masasatu i kdee dad ngà Dwata masbalét di klamang banwe.

Dyan 11:52 Iomraidhean Croise

Salmo 22:15

Na i bkakonggu too kafag salngad di kfung, na damkat dilàgu di laflalgu. Ani i kagkahgu du gambet tatnagakam agu di kfung, di agot i fati.

Salmo 22:27

Na di duh én, gafaldam kdee to di klamang banwe i Amuito Dwata, na samfulê ale di kenen; i kdee to, lkuad ale du mangamfù di kenen,

Salmo 72:19

Magdayen i kdatah dagitan kel di landè sen, na i kdee to di klamang banwe dmilè moon i kbong kdatahan. Amén! Amén!

I Fye Tulen gablà ku Dyisas Krayst i Sulat Luk 15:8

“Na ku nun libun mfun sfalò batù filak too mabtas, na baling lana i satu, tan i nimoan? Laan kè gasil mtam i salò na fnune i gumnean na toon fanngabal kel di kiten dun?

I Fye Tulen gablà ku Dyisas Krayst i Sulat Luk 2:32

Kenen gambet salò lamwa i kaglabat dad ise Dyu, na gumdà i kdatah i dad tom, gami dad bel Israél.”

Dyan 1:12

Kabay i dad to dmawat na faglut di kenen, banlén kaglut du fye mbaling ale dad ngà Dwata.

Dyan 1:29

Di tmadol duh, teen Dyan Dyisas fdadong di kenen, na manan di dad to, “Neyeyu tadini i tingà bilibili Dwata, i dsù mwè i dad salà i dad to di klamang banwe.

Dyan 10:16

Na nun dademe dad bilibiligu, là fa gakuf di lumbuk nifatgu ani. Na lêgu ale nebe kadang, na flinge ale i talùgu. Na masasatu kdeela di satu lumbuk kadang, na alò satu mifat dale.

Dyan 12:32

Na agu, ku tanketla agu kadang mdà di tanà ani, fsalugu di deg kdee dad to.”

Dad Nimò 18:10

du dini agu di safédam, na landè fakay mlayam ge, du nun dee dad to nfungu dini di syudad ani.”

Roma 3:29

Fanyogu nun mangman, Dwata alò Dwata i dad Dyu, bay là glut ani, du kenen Dwata i kdee dad to, dad Dyu na dad ise Dyu.

Roma 4:17

Salngad i gman di Tnalù Dwata, manan, “Nimòta ge mà i dee bung dad to.” Taman di kite Dwata, Abraham mà i kdee dad to faglut. I Dwata gufaglutito, i gmagan mto i dad mati, na mimò balù tan i là lmen mgimò fagu di kgal i tulusan.

Ifisus 1:5

tagnè fandaman mdà di knayean, malék gito du nimoan ito dad ngaan fagu di ksasatuito di ku Dyisas Krayst.

Ifisus 3:11

Na ani tafgadè Dwata i tafandaman di là fa mgimò i banwe, na dnohoan fagu di Amuito Dyisas Krayst.

Dyém 1:1

Agu Dyém i salig Dwata na Amugu Dyisas Krayst. Smulat agu di kdeeyu dad to Dwata sbalét di klamang banwe. Toogu gamu fandam.

1 Fiter 1:1

Agu sa Fiter satu to gal dek Dyisas Krayst. Na smulat agu di kdeeyu dad to tamgalék Dwata, di gamu flo mnè di tah tanà ani, i tamasbalét di dad banwe Fontus, Galasya, Kafadosya, Asya, na Bitinya.

1 Dyan 2:2

Na kenen i dsù, du fye magwè dad salaito, na ise alò ku gito salà i duen Dyisas fafati, bay mdà di salà i kdee dad to.

1 Dyan 3:1

Tooito fandam ku tan i kalbong nawa Maito Dwata gito. Gfiten i kalbong nawan gito fagu di mgimoan ito dad ngaan. Too glut dad ngà ito Dwata. Na i dad to là faglut làla dilè ku gito dad ngà Dwata, du là ale fa dmilè Dwata.

1 Dyan 3:10

Ani gusahal dad ngà Dwata na dad ngà Satanas, dunan i to là mimò i tlu nimò, ku demen là kamdo demen to, ise kenen too glut tingà Dwata.

1 Dyan 3:2

Dad flanekgu toogu kando, too glut tambaling ito dad ngà Dwata. Kabay là ito gmadè ku tan i kagkahito kadang di fulé duh. Kabay ani tooito gadè, dunan di kasfulê Krayst mbaling ito gambet kenen kagkah, du tooito teen kadang i kenen kagkah.

Tafite 5:9

Na mlingag ale i falami lingag, manla, “Too ge gablà mwè i sulat maglulun, na lamket i dad fadkatan, du ge sa i tafnatila, na liteam i bayadam dad to nfun Dwata, dad to mdà di kdee sahal bung to, mdà di kdee sahal talù, na mdà di kdee sahal banwe.