Dyan 11:3 - Blaan Sarangani

³ Na nun to dek i lwe libun ani salu di ku Dyisas du man di kenen, “Amu, fandas Lasarus i toom kando.”

Dyan 11:3 Iomraidhean Croise

Dyénésis 22:2

Na man Dwata, “Gadègu toom kando Isaak, du kenen alò i tingaam di ku Sara. Kabay faginam, na salu gamu ditù di banwe dnagit Moraya. Ditù di banwe atù fitegu ge i satu bulul, na ditù gumatim kenen, na sduléam snakuf du dsuam di deg.”

Salmo 16:3

I dad to Dwata mnè di tah tanà ani, too ale fye; na too nun klehewgu samnagin dale.

I Fye Tulen gablà ku Dyisas Krayst i Sulat Luk 7:13

Di kite Dyisas i libun balu ani, toon kando, na manan di kenen, “Nang ge nan mngel.”

Dyan 11:1

Na nun to fandas dnagit ku Lasarus mnè di Bétani, i lunsud gumnè Méri na flanekan libun Marta.

Dyan 11:11

Én timel Dyisas dale, na kafnge én, manan, “Gkudang i demeito sgalak Lasarus, bay salu agu ditù ani du nukatgu.”

Dyan 11:2

Méri ani, dunan i mkok i fangbun di blì Dyisas, na nifun i wakan. I fandas ani dunan flanekan lagi Lasarus.

Dyan 11:21

Na man Marta di ku Dyisas, “Amu, ku alò ge dini di kafdas lagimi là sa moon mati.

Dyan 11:36

Taman man i dad Dyu, “Neyeyu, too bong nawan ku Lasarus.”

Dyan 11:5

Na bong nawa Dyisas dad saflanek Marta, Méri, na Lasarus.

Dyan 13:13

I katloyu deg ‘To Tamdò’ na ‘Amu’, na glut sa, du agu sa i dunan.

Dyan 13:23

Na nun satu di dad gal mlalò kenen i toon kando fagléd di kfe Dyisas.

2 Timoti 4:20

Mnè fa Irastus di banwe Korintu, na tagakgu Trofimus di banwe Militus du sasè nawan.

Tafite 3:19

Nngakgu na bnadasgu i kdee dad to kanbonggu nawa, du fye matdò. Taman tooyu finit i kafaglutyu, na knagolyu i sasè nimòyu.