Dad Nimò 4:26 - Blaan Sarangani

²⁶ Sasatu nawa i dad harìla i dad ulu, stifun ale du stulen i kibòla misan Dwata i Amu na misan i To Mgalékan.’ Én sa man Dabid.

Dad Nimò 4:26 Iomraidhean Croise

Salmo 2:1

Tan duen i dad to di sahal banwe mngabal i kfagu misan Dwata? Mngabal ale kfagu, bay landè gukelan.

Salmo 2:2

Sasatu nawa i dad harìla; i dad ulula, stulen ale i kibòla misan Dwata i Amu, na misan i harì mgalék Dwata magot i kdee.

I Fye Tulen gablà ku Dyisas Krayst i Sulat Luk 4:18

“I Tulus Dwata mnè di deg, du tanalékan agu tmulen i Fye Tulen mdà di Dwata di dad to landè. Tadekan agu dini, du fye tmulen gablà di kagalwà i dad to gakfè, na fgulê i dad to butè, na falwà i dad to fanlayam i dademe,

Dad Nimò 10:38

Na gadèyu gablà ku Dyisas Krayst mdà di Nasarét, i gumlé Dwata i Mtiu Tulus, na i bong gnagan. Na gadèyu gal kenen magu du mimò fye, na fanguléan i kdee dad to snamuk i dad busaw, du Dwata samnagin di kenen.

Hibru 1:9

I knayeam i matlu nimò, na i knangam i sasè nimò, taman agu Dwata, dunan Dwatam, fdatahta ge mdatah fa di dad demem, na blégu ge bong klehew.”

Tafite 11:15

Kafnge én, nyuf i gfitu kasaligan i kenen twang. Na di kagyufan dun nun dad mkit mdà di langit, na manla, “I glal magot i klamang banwe di tah tanà i gfun Amuito Dwata na i To Mgalékan, na kenen magot kel di landè sen.”

Tafite 12:10

Kafnge én, lêmangu linge i bong talù mdà di langit, manan, “Ani i kagdohò i kafalwà Dwata i dad to, na tafite Dwata i bong glalan magot i kdee, na tambù i kagotan, na tanun glal i To Mgalékan, dunan Krayst Dyisas. Du i dmalam dad flanekito di kafaglut mduh na butang di muna Dwata, tabat mdà di langit.

Tafite 17:17

Hae, gamgimò ale én, du Dwata fkah dun di nawala, du fye gdohò i knayean. Taman sasatu nawala mlé i glalla magot di bong kanlikò kel di kagdohò i dad tnalù Dwata.