Dad Nimò 26:1 - Blaan Sarangani

¹ Na man Agrifa di ku Fol, manan, “Fakay ge tmimel i gman i dad Dyu gablà di ge.” Na ftadag Fol i kmalan du fan talù du nsenan i kton, na manan,

Dad Nimò 26:1 Iomraidhean Croise

Dad Fngewe 1:24

Kabay du knagolyu agu di katlogu gamu, na landè flinge deg di kalakgu,

Dad Fngewe 18:13

I to là funa flinge klon tmimel, kenen i to là fulung faldam na nimoan i gumyaan.

Dad Fngewe 18:17

I to muna talù di usay, fnaglutam glut i gmanan di là fa snalek i to demen susay.

Dyan 7:51

“Kabay man i flalò blé di gito, silang fakay nukum i satu to ku talingeito i manan du fye gadeito i mgimoan.”

Dad Nimò 22:1

Na ani man Fol, “Gamu dad flanekgu, na dad tuagu, tabyà begyu fanlinge i ktimelgu i gmanyu gablà di deg.”

Dad Nimò 25:16

Kabay i mangu dale, là fakay di dad urdin di Roma ku fanlayamla i satu to ku laan funa gamtimel di dad to i dalamla kenen.

Dad Nimò 25:27

Du di fandamgu, là fakay ku febegu satu to bnilanggù di ku Sisar ku landè fgadègu di kenen ku tan i too salaan.”

Dad Nimò 26:2

“Harì Agrifa, fandamgu too fye kagkahgu di duh ani, du fakay agu tadag di munam na tmimel i kdee dalam i dad Dyu deg.

Dad Nimò 9:15

Kabay man Dyisas di kenen, “Mdà ge salu di kenen, du i lagi ani tanalékgu du fye tamdò kenen gablà di dagitgu di dad to ise Dyu, na dad ganlalla, na di dad bel Israél.

Roma 10:21

Na nun fa man Dwata fagu di ku Isaya gablà di dad bel Israél, manan, “Balù là agu tlag mlak dale, du fye fdadong ale di deg, knean là ale mimen, du mgal i ulula.”