Dad Nimò 2:27 - Blaan Sarangani

²⁷ du laam agu tagak déén di gumnè i dad mati, na laam faloh ku balok laweh i To Landè Salà i kanbongam nawa.

Dad Nimò 2:27 Iomraidhean Croise

Salmo 116:3

Kantogu lyo na tatoo mdadong di deg i fati, i klikò i fati gamgagot deg; too msamuk i nawagu na too bong klidùgu.

Salmo 16:10

du balù mnè agu di agot i fati laam agu bayà; laam tnagak i Mtiu To toom kando di lbang.

Salmo 49:15

Kabay nsò agu Dwata mdà di agot i fati, na neben agu di safédan.

Salmo 89:19

Gtalù ge di muna fa fagu di kanteen di dad tom too gsalig, na gmanam, “Tanalékgu satu to gumlégu gal di kasfati; tanalékgu kenen mdà di dad mdanà to du fanbalinggu kenen harì.

Dyona 2:6

Ditù agu di gugafdak i dad bulul di gumngalaman, ditù di lam di banwe gumilanggù dad to mati, na landè gugalwàgu. Kabay Dwata i Amu, i Dwatagu tafalwaam agu di kfati.

Matyu 11:23

Na gamu dad to di banwe Kafernaum, mayè gamu fdatah i ktoyu kel di langit. Kabay fan bat gamu baling di lanaw lifoh. Ku tateen i dad to sasè di banwe Sodom i dad tnikeng tanimògu déén di gamu, là malmo banwela kel ani.

Mark 1:24

manan, “E Dyisas mdà di Nasarét, tan labetam gami? Fanam gami kè falmo? Gadègu ku simto ge! Ge sa To Landè Salà dek Dwata.”

I Fye Tulen gablà ku Dyisas Krayst i Sulat Luk 1:35

Na tmimel i kasaligan, manan, “Salu i Mtiu Tulus di ge kadang, na fnean di ge tulus mdà di Too Mdatah Dwata. Na du ani gumdaam mngà taman too mtiu i tingaam, i to landè salà, na én katlo kenen Tingà Dwata.

I Fye Tulen gablà ku Dyisas Krayst i Sulat Luk 16:23

bay én gukelan di banwe dad mati dnagit Hadis, na too maflayam kenen déén. Taman lngalà kenen na teenan Abraham di gumawagan, na ditù Lasarus di safédan.

I Fye Tulen gablà ku Dyisas Krayst i Sulat Luk 24:44

Kafnge én, manan di dale, “Ani sa dad gmangu di gamu di lamgu fa di safédyu, du tafgadègu di gamu, na là fakay ku là gdohò i kdee sulat gablà di deg di Tnalù Dwata, dunan di dad flalò sulat Mosis na sulat i dademe dad tugad Dwata, na sulat fa di Salmo.”

I Fye Tulen gablà ku Dyisas Krayst i Sulat Luk 4:34

“E Dyisas mdà di Nasarét, i tan labetam gami? Fanam gami kè falmo? Gadègu ku simto ge! Ge sa i To Landè Salà dek Dwata!”

Dyan 11:39

Na man Dyisas, “Nwèyu i batu én.” Kabay Marta, libun i to mati, manan, “Amu tafat butang i klon lbang, na tasasè nan i bunan.”

Dad Nimò 2:26

Na én duen i nawagu too lehew, na dnayengu Dwata, na balù mati i lawehgu ani, knean nun fatangu,

Dad Nimò 2:28

Tafgadeam di deg kibògu mfun nawa landè sen, na mdà di kasnaginam deg, fananoam agu klehew.’

Dad Nimò 2:31

Du tagadè Dabid i fan mkel, taman nun manan gablà di kték Krayst, i To Mgalék Dwata, di kmanan là kenen tagak Dwata di gumnè i dad mati, na là balok lawehan.

Dad Nimò 3:14

Knangyu i To Landè Salà na Too Matlu, na balingyu fni di ku Filat ku falwaan i to manò.

Dad Nimò 4:27

“Na glut Amumi Dwata, gdohò i man Dabid ani, du dini di syudad ani gustifun ale Harì Hérod, Gubirnador Fontus Filat, magin di dademe dad to ise Dyu, na i dad Dyu di Israél, du sasatu nawala misan ku Dyisas, i Saligam Landè Salà, i To Mgalékam.

1 Korintu 15:52

di klal i alò kudaf i mata na tamatlas nan, du di bang gusen i banwe lingeito i uni twang mdà di langit, na nték Dwata i dad to faglut tamati, na talà lêman mati, du tanlasan i laweh kdeeito dad faglut i laweh là fakay mati.

1 Korintu 15:55

Na manan fa, “I fati gfisan Dwata. I fati talandè enegan falmo.”

1 Dyan 2:20

Kabay gamu mahal, du kdeeyu gmadè i kaglut gablà ku Krayst, du tagablén di gamu Tulusan.

Tafite 1:18

Deg sa mto. Balù tafnatila agu, bay neyem, talêman agu mto na landè gusen i nawagu. Na agu magot nawa i dad to, na nun bong glalgu magot i fati na Hadis i gumnè i dad layef i dad to tamati.

Tafite 20:13

Na balù i dad tamati di mahin, na i kdee layef mdà di gumnè i dad mati dnagit Hadis, i kdeela nukum Dwata mdà di dad mgimòla klola mto di tah tanà.

Tafite 3:7

Na lêman man Dyisas di deg, “Ani sulatam di kasaligan Dwata mifat i dad to faglut di banwe Filadélfya. Manam di dad to faglut, ‘Nun man i to landè salà, na too gsalig, na too nun glal di kagotan gambet i kagot Harì Dabid, hae, du ku lanwan i takab, du fye fafusukan i to di kagotan, landè to gmagan tmakab dun. Kabay ku tnakaban landè gmagan lamwa dun.