2 Korintu 2:7 - Blaan Sarangani

⁷ Na ani, fye ku balingyu nlifet i nimoan sasè, na tangalyu nawan, du fye laan kadang gadlug di too sasè kagafaldaman gablà di nimoan, na baling malmo i nawan.

2 Korintu 2:7 Iomraidhean Croise

Salmo 124:3

tafnatila ito mdà di kadfo i bong kalbutla, hae, gambet i lmanaf fanla gito fanlo di mto ito fa.

Dad Fngewe 1:12

Di kiteito i dad to ani kadang mto ale fa, bay di kafngeito mlayam dale mati ale.

Dad Fngewe 17:22

I klehew nawa, gafye i laweh, na i klidù nawa, gafsasè i laweh.

1 Korintu 15:54

Taman ku tamatlas i lawehito lumak malmo dini di tah tanà, di gnè di langit, i là fakay mati, gdohò i fsulat di Tnalù Dwata, manan, “Gfisan Dwata i fati na talandè mati kel di landè sen.”

2 Korintu 2:8

Na fakdogu di gamu, tooyu fite di kenen nun fa kalbong nawayu kenen.

2 Korintu 5:4

Na kloito mnè dini di tanà ani, too malima i gnaguito. Balù ani, là ito mayè ku gasil ito mati, du fye gtagak i lawehito dini, bay i knayeito ku mlal ito banlé i falami laweh mdà di langit, du fye matlas i laweh lumak mati di laweh là mati landè gusenan.

2 Korintu 7:10

Na i gukel i klidù nawa i too nun kamu Dwata, dunan i ksal i dad salà na kguman i nawa. Na i gukel i ksalyu ani, dunan nun kagalwàyu di kaflayam landè gusenan, na landè gumsal nawayu déén. Kabay i gukel i klidù nawa i mdà alò di to, dunan di fati landè gusenan.

Ifisus 4:32

Kabay baling gamu mimò fye di kat man satu gamu. Sakdo gamu na slifet gamu salà, gambet klifet Dwata i salàyu fagu di ku Krayst.

Filifos 2:27

Too glut nun tdukan di muna, tafan mati, bay Dwata too kamdo kenen na mgulê i tdukan. Na Dwata lê kamdo deg, du ku mati, matnù klidù i nawagu.

Kolosas 3:13

Fantahàyu nawayu di demeyu to, na balù tan i salàla di gamu nlifetyu salngad i klifet Amuyu i dad salàyu.

1 Tésalonika 4:13

Dad flanekgu, kayèmi fgadè di gamu i kaglut gablà di dademeito dad faglut tamati, du fye là gamu mlidù salngad klidù i dad to là faglut landè imen nawala ku lêman ale mto mdà di fati.

2 Tésalonika 3:6

Dad flanekgu faglut, mdà di glal i dagit Amuito Dyisas Krayst, ani toomi man di gamu, nang gamu samnagin i flanekyu di kafaglut i là mayè mimò, na là mayè mlalò i tdò i dnawatyu mdà di gami,